愛回家丨接龍保安部兄弟撐王朝北上發展 莫家淦疫下收入大減 決心外闖

莫家淦（Keith）憑無綫處境劇《愛回家之開心速遞》內，飾演接龍保安部員工「王朝」而成功入屋。日前爆出他暫別劇組北上發展的消息，無綫娛樂新聞台節目《Star Talk》於是找來同劇中保安部好兄弟「鐵面陳」王致狄、「馬漢」衛志豪、「阿壯」焦浩軒及「張龍」黃耀煌，接受訪問，讓眾人合體歡送莫家淦。

同場加映：娛樂直擊| 梁芷珮疫情下出遊拍攝感受良多 「冇人想見到全世界靜止晒」

{{hket:ul-video id="5602"}}{{/hket:ul-video}}

{{hket:inline-image name="keith01.jpeg"}}{{/hket:inline-image}}

{{hket:inline-image name="01.jpg"}}{{/hket:inline-image}}

現年39歲的莫家淦在疫情期間因工作量減少，於是開設影片頻道，無心插柳下被經理人公司睇中，邀請他到內地發展。莫家淦已婚兼育有一對兒子，要他同家人分隔一段日子，自不然有些內心掙扎。他一次在郵輪登台演出時，醒悟做人要跳出舒適圈，他說：「夜晚冇嘢做望住個大海，喺度諗人生茫茫，條路應該點行呢？收入……又唔係好頂得住，之後把心一橫決定去闖一闖。」其實莫家淦近日仍有在香港開工，日前同周秀娜、黃宗澤及胡炯龍拍新劇《叠影狙擊》，他在社交平台透露自己的戲份已經拍攝完畢，當中與周秀娜最多對手戲。

愛回家丨王朝離開接龍保安部兄弟歡送？ 莫家淦暫別妻兒請長假北上發展【下一頁】

提到加入《愛回家》逾4年時間，如今暫別大感不捨，「做咗千幾集，面對咁多好對手同演員，我都學到好多嘢，但開始有啲力有不逮，覺得出去再學多啲嘢，返嚟先可以同大家比併！」而接龍保安部兄弟亦表示支持他的決定，佩服對方一心向外闖的勇氣，衛志豪說：「阿淦好鍾意試新嘢，又夠勇敢決斷，都幾佩服佢。」

（↓點擊放大睇圖片↓）

《愛回家》近年一星期播足七日，台前幕後人員的關係就如屋企人般，差不多每天都會見面。問到接龍保安五子最難忘的事，王致狄大爆莫家淦試過離奇失蹤，他說：「阿淦話畀我哋聽前一晚收凌晨4點，跟住第二日要開8點半。嗰朝我哋化晒妝先發現佢唔喺度，打畀佢電話又唔通，心諗大件事喇，佢失咗蹤！最後喺停車場搵到佢，原來佢調低咗張凳喺車入面瞓着咗，嗰次都幾深刻。」四子輪流向莫家淦送上臨別祝福，黃耀煌感性表示：「既然做咗呢個決定，希望佢發展得好好，唔使咁快返番嚟，呢個旅程先會變得更加有價值！」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】