李美慧舉家歐遊一個月玩轉意法 富商老公曾文豪擁法國莊園別墅

前港姐李美慧（Vivi）於2018年與年長25歲的富商老公曾文豪奉子成婚，並為對方誕下一女「小糖心」，自此一直過住幸福少奶奶生活，不時都同女兒「小糖心」周圍去。肺炎肆虐持續近3年，本身經常同老公旅行歎世界嘅李美慧都已經兩年冇離開香港，而近日佢哋都終於忍唔住，舉家去歐遊喇！

同場加映： 娛樂直擊| 梁子芷珮疫情下出遊拍攝感受良多 「冇人想見到全世界靜止晒」

{{hket:ul-video id="5602"}}{{/hket:ul-video}}

李美慧早前喺第五波疫情最嚴重嘅時候中招，佢透露有發燒、發冷、身體痛以及骨痛，但就冇流鼻水、咳同喉嚨痛病徵，搞到要同囡囡分開住。不過隔咗一日佢嘅徵狀已經消失，身體復原能力非常之強！喺李美慧好番半個月之後佢哋一家飛到去法國度假。李美慧生日（3.26）時Post咗佢哋去法國隆河阿爾卑斯滑雪嘅相片，留言：「因禍得福。」唔知曾文豪係咪為咗呵番老婆而安排呢一轉生日旅行呢？

{{hket:inline-image name="277316772_120606900559385_838152217433991681_n.jpg"}}{{/hket:inline-image}}

李美慧呢個月都不停喺Facebook、Instagram Post佢一家嘅生活片段，月中時見到李美慧同囡囡喺自家莊園採果，相中見唔到莊園邊際，非常誇張，李美慧留言：「種了好多果樹，第一個收成的是柑橘，我準備拿來醃鹹柑桔。」幾日前，李美慧同囡囡再去到意大利嘅菲諾港打卡，景色怡人，唔少網民都留言話羨慕，李美慧就透露佢哋嘅下一站係威尼斯。

果然李美慧再Post同囡囡喺水都威尼斯河上泛舟嘅相片，李美慧身上着住一件鮮黃色上衣加一件好Sharp嘅青色外套，有人大讚佢有Fashion sense，指呢身裝束好有歐美Feel；而李美慧就透露佢嘅衫只係喺一間中低價時裝店購買，自己唔好名牌，一啲都唔大使，睇嚟呢個都係曾文豪咁鍾意佢嘅其中一個原因呀！

圖片來源：Facebook、Instagram

撰文：黃蘊姿