了不起舞社︳王君馨高齡追夢與60𡃁妹爭崩頭 內地跳舞真人騷落淚感動主持

現年35歲的王君馨（Grace）去年同無綫結束14年賓主關係，唔少人都以為有個人Youtube channel嘅佢會向KOL方向發展，但原來佢同好多香港藝人一樣選擇咗北上發展。

同場加映：娛樂直擊| 梁子芷珮疫情下出遊拍攝感受良多 「冇人想見到全世界靜止晒」

{{hket:ul-video id="5602"}}{{/hket:ul-video}}

早前王君馨透露自己正喺內地隔離，冇提及佢嘅工作性質。而當內地節目女子真人騷《了不起舞社》出街之時，王君馨先宣布原來佢靠自己自豪嘅舞技打開內地市場。事業一直載浮載沉嘅佢日前喺節目中爆喊，講「我還是有夢想的」，心聲令到在場人士都眼紅紅呀，亦令佢成為節目其中一個焦點。

{{hket:inline-image name="14.JPG"}}{{/hket:inline-image}}

王君馨2008年於內地綜藝節目《舞動奇跡II》中勇奪冠軍，今日再參加以跳舞為主嘅節目《了不起舞社》，未知可唔可以再下一城不鬼止，牌面仲相當「輸蝕」︰節目中一共有60位來自不同單位嘅選手，而王君馨係唯一一位年過30嘅選手，要同一班𡃁妹爭崩頭！幸好王君馨都Keep得好嘅，身形同一班妹妹冇咩分別，驟眼睇呢，都唔會知佢年紀大其他參加者咁多嘅！

至於王君馨嘅人氣，根據目前微博粉絲排名，至今有103.9萬人追蹤排第四位，而第一位是SNH48成員李佳恩（204.7萬）﹑第二位係女子團體GNZ48成員唐莉佳（168.4萬）﹑第三位係SNH48成員由淼（107.7萬），全部都係人氣女子偶像團隊成員，王君馨都可以話係非戰之罪。微博上已經建立多個熱話「君馨同學去跳舞」等等，甚至有網友為佢剪輯於節目中嘅精彩畫面，似乎一開跑都有啲睇頭。

最新預告中，王君馨爆喊講出內心說話：「我今年35歲了！我還是有夢想的。但是去追夢，可能年紀一路一路大的時候，你就會非常害怕冒險。」這一番說話令到「主理人」王霏霏落淚，喊晒口咁講︰「夢想是很寶貴的，我覺得你來這邊的這個勇氣就是非常非常大。」唔少參加者都畀佢搞到眼濕濕。

王君馨曾表示自己想成為一個了不起嘅舞者，所以選擇接受呢個巨大挑戰，唔少網民都好Buy佢，留言鼓勵佢追夢係唔應該受到年齡限制；之但係亦有人覺得佢參加呢個節目，係錯嘅！點解？係認為佢應該去《乘風破浪的姐姐》更適合，形容佢呢個Cast參加《了不起舞社》係「自貶身價」。

撰文：黃蘊姿