曾寶儀爆曾志偉嗜酒健康出問題 冇見爸爸逾兩年視像拜壽表孝心

現年49歲嘅藝人曾寶儀日前於台灣出席節目《我們回家吧2》記者會，語帶哽咽透露已經同爸爸曾志偉有超過2年冇見面。早前曾志偉氐生日踏入69歲時，佢都只可以視像拜壽。曾寶儀表示若有機會，希望製作單位能特別製作一集，帶佢飛去香港同家人相聚。

同場加映：360秒人生課堂丨林盛斌高EQ全靠人生經歷累積 豁達面對負評意外為仔女「打底」

{{hket:ul-video id="5606"}}{{/hket:ul-video}}

{{hket:inline-image name="677d52d406caf00443d0a5fcdaab21cf.jpg"}}{{/hket:inline-image}}

曾寶儀表示雖然爸爸好平安、冇染疫，但畢竟年紀都唔細，都會有啲擔心。之前曾經有報導指曾志偉要坐輪椅，曾寶儀澄清當時爸爸一定係飲醉，「他坐輪椅一定是喝醉的時候，而且那是30歲就開始坐了。」就咁聽曾寶儀講雖然好笑，但其實曾志偉一早飲到健康響起警號，曾寶儀透露爸爸因為愛飲酒，有尿酸超標、痛風嘅問題︰大約係2015、2016年左右，第一次發作時兩父女剛好於歐洲為節目錄影，幾乎整個旅程曾志偉都要坐輪椅，幸好之後佢有控制酒量同改善飲食習慣，健康叫做冇大問題。

曾寶儀同時講到，自己同爸爸都知道彼此工作忙碌，所以雙方都冇刻意要求對方出境探望，但都有固定嘅視像見面，而家只希望能早日相見。

曾寶儀又提到佢人生大事，表示家人已經好少「催婚」，「已經過了要催婚的年紀，爸爸10年前會問我要不要給我一筆錢辦婚禮，但現在會覺得女兒已經有自己的錢了！」又話疫情之下「活下去」比較重要，仲未考慮要進入下一個階段，「我已經過了最急的時候……之前也沒有被急過啦！要結婚的話隨時都可以結，我並沒有著急啦！」

圖片來源：東星娛樂