「2021香港社交媒體風雲榜」今日公布得獎名單，綜合Instagram, Facebook及YouTube平台數據，包括粉絲增長率、互動率、平均讚好及粉絲真實度等數據，選出十大「香港社交媒體風雲人物」。人氣男團MIRROR成員姜濤及呂爵安（Edan）成功入選為十大「2021香港社交媒體風雲人物」，其餘得獎者包括張敬軒、試當真及林芊妤（Coffee）等。
同場加映：娛樂直擊| 梁芷珮疫情下出遊拍攝感受良多 「冇人想見到全世界靜止晒」
十大「2021香港社交媒體風雲人物」得獎名單（排名不分先後）︰
Emi Wong、林芊妤、小薯茄、呂爵安、姜濤、張敬軒、YouTube 頻道試當真、倪晨曦、李元元、七仙羽
十大「2021香港社交媒體網民最愛」得獎名單（排名不分先後）︰
盧瀚霆、微辣 Manner、姚焯菲、雪姨、炎明熹、Sunny & Creamy、張天賦、李佳芯、朱千雪、衛詩雅
「2021香港社交媒體品牌最愛」︰陳凱琳
李元元（Lucy）用手指做出心心手勢說：「多謝大家支持！」在旁的梁志瑩（Lucy媽）把獎狀送到女兒手，並表示：「再次多謝大家，我們每一條片都係highlight，無特別目標，希望一切順其自然，見到咩有趣同得意嘅嘢，會繼續出po同大家分享。」
七仙羽（七師傅）也留言感激大家︰「七師傅非常開心！2021年係疫情之下，各行各業都受到影響，大家都過得好唔容易。我好幸運得到廣告商同客戶支持，拍咗好多廣告。師傅我係念舊同感恩嘅人，人哋畀機會我，我也會回饋番人，所以我都有念經加恃，令一直合作嘅商戶同客戶業績有所提升。踏入2022年，我會用愛幫助有需要嘅人，並且繼續拍多啲好節目，帶畀大家更多正能量。」
{{hket:inline-image name="al.jpg"}}{{/hket:inline-image}}
{{hket:inline-image name="mc.jpg"}}{{/hket:inline-image}}
{{hket:inline-image name="gigi.jpg"}}{{/hket:inline-image}}
{{hket:inline-image name="chantel.jpg"}}{{/hket:inline-image}}
「2021香港社交媒體網民最愛」得主之一的MC張天賦，感激大家支持，「我成功入選網民最愛十強，多謝大家支持，我會繼續努力，希望喺新一年繼續成為大家最關注嘅人物！」
姚焯菲（Chantel）亦發表得獎感言，她說︰「好高興可以拎到呢個網民最愛十強嘅獎項，多謝大會頒呢個獎畀我，亦好多謝網民支持我，同埋鍾意我嘅帖文，未來我會同大家分享更多充滿色彩嘅照片同有趣嘅事，希望大家會繼續支持我！」
{{hket:inline-image name="g1.JPG"}}{{/hket:inline-image}}
積極經營社交平台的陳凱琳獲選為「品牌最愛」得主，她表示︰「嚿年係一個比較難渡過同克服嘅一年，所以每次有唔同嘅工作機會同合作夥伴，我都會非常感恩。多謝觀眾鍾意睇我嘅資訊、我拍嘅創意短片，今年我都會繼續努力。」
身為社交媒體風雲人物之一的姜濤，同樣是廣告商寵兒，他最近拍攝全新牙膏廣告，並表現這次合作十分愉快︰「多謝廣告商嘅信任，令我喺成個拍攝過程入面都保持笑容，充滿正能量！以前我係一個無人理、無自信、好在意人哋點睇我嘅肥仔。後來我先慢慢意識到，當我愈在意人哋嘅抨擊，反而愈容易迷失自我，所以最後我選擇用笑容面對過去。」
姜濤認為笑容充滿力量，他指：「我相信亮白自信嘅笑容可以引發強大力量，拉近人與人之間嘅距離。所以，要時刻保持住潔白牙齒同清新口氣，令我笑起嚟特別有自信！」
撰文︰陳子楠