《勁歌金曲》丨林峯相隔6年返娘家獻唱 AGA江海迦處女個唱兩度取消感失望

林峯昨日到將軍澳電視城錄影《勁歌金曲》，重返娘家獻唱的林峯，表示對上一次在TVB唱歌已是六年前︰「其實有輕微緊張，不過見到幕後嘅熟人，感覺真係好似返咗娘家。」他透露此行有與樂易玲見面，笑言兩人主要談及隔離政策，但暫未有計劃拍劇。

同場加映：娛樂直擊| 梁芷珮疫情下出遊拍攝感受良多 「冇人想見到全世界靜止晒」

{{hket:ul-video id="5602"}}{{/hket:ul-video}}

{{hket:inline-image name="DSC_4515.JPG"}}{{/hket:inline-image}}

{{hket:inline-image name="DSC_4587.JPG"}}{{/hket:inline-image}}

提到本周四戲院重開，林峯期待自己有份主演的作品能盡快上映，他指暫有四部「存貨」，包括《神探大戰》、《阿麥從軍》、《尋秦記》及《九龍城寨‧圍城》，他笑說：「如果戲院開番，好快就上晒，到時要再拍過喇。」早前他拍《九龍城寨‧圍城》時受傷，女兒可有表示？林峯甜笑道：「慣咗每晚返到屋企，佢都指住我話『痛痛』，其實都已經冧晒，就算幾辛苦都值得。」

{{hket:inline-image name="DSC_4654.JPG"}}{{/hket:inline-image}}

{{hket:inline-image name="DSC_4604.JPG"}}{{/hket:inline-image}}

另外，同場的江海迦（AGA）原定20年四月舉行處女紅館個唱，但當時受第一波疫情而告吹；本於今年一月再開騷的AGA，又因第五波疫情而泡湯。對於兩度被取消個唱，AGA無奈道︰「會再入紙申請，但預計今年都唔會成事，因為要一年前入紙。之前父母嚟香港諗住睇我演唱會，但因為疫情關係，所以逗留時間耐咗，當然父母睇唔到個騷都失望，但呢段時間我都多咗同佢哋相處，同埋寫咗幾十首歌。」

{{hket:inline-image name="DSC_4621.JPG"}}{{/hket:inline-image}}

{{hket:inline-image name="DSC_4641.JPG"}}{{/hket:inline-image}}

因個唱屢遭波折，AGA承認情緒曾受影響︰「我覺得好無奈同失望，去到最後成個團隊都仍然準備緊，直到宣布真係無辦法舉行，的確係有啲失望；但依家已經OK啦，希望之後順利開到演唱會嘅話，我一定將一個最好嘅騷帶畀歌迷。」

採訪︰黃寶蓮