金宵大廈2︳李施嬅陳山聰戀情謎團7大提示 七樓半《對倒》世界趙希洛做癲后

由葉鎮輝（阿細）監製、羅佩清擔任編審嘅無綫話題之作《金宵大廈2》現正於黃金時段播出，自上周首播後已推出四個單元，分別為《七樓半》、《雙魚》、《城寨英雄GO！》及《姐姐》，每個單元都好有話題性。

同場加映： 愛回家丨島大書蟲林浩文面油羅永健頭皮吳卓衡靠怪造型入屋 感恩有代表作：繼續追夢唔怕捱

{{hket:ul-video id="5575"}}{{/hket:ul-video}}

雖然單元故事各有特色又贏口碑，但由於不少「金宵」迷對於陳山聰及李施嬅這對CP有情意結，故對於二人愛情故事一直「零進展」相當冇癮兼心急。噚晚Ella（李施嬅飾） 與Maurice（陳山聰飾）深情一吻令故事終於有進展！Ella有感眼前的並非真正的Maurice，終決心硬闖七樓半追查「Maurice」真正身分。不過金宵大廈係有「靈性」，結果Ella不斷於七樓與八樓之間來來回回，最終靠「靚寶」引領方能進入七樓半！

{{hket:inline-image name="26.jpg"}}{{/hket:inline-image}}

原來七樓半就係另一個平行時空—黑白世界。黑白世界比正常世界氣溫低，除咗所有的字體左右反轉外，連「人設」都係反轉，喺正常世界係外賣仔嘅丁子朗，搖身一變成有錢仔。之前喺首個單元《七樓半》因自燃身亡嘅鄭子誠，今晚都「重生」，似乎一定有陰謀！另外一直被視為《金宵》瘋癲Icon嘅趙希洛繼續癲喪，佢主演單元《對倒》嘅宣傳海報之前為保持神秘而抽起，而家海報終於曝光！

愛情主線轉入直路、癲后趙希洛將會爆Seed發癲，唔少網民都大感期待。今晚「Maurice」同Ella嘅緣分之謎將終極曝光，之前嘅謎團亦會隨著劇情發展逐一解開，「Maurice」 第三者嘅真正身分亦會在本星期徹底揭曉。 「魔鬼藏在細節」，之前播出嘅劇情其實早埋下不少伏線。

監製阿細受訪時再度畀出八大貼士：「之前施嬅接受電台訪問時都講過，點解喺六十年代，惟獨佢飾演嘅女醫生講嘢有特別口音，但山聰飾演嘅男病人又冇呢？再講番Ella同Maurice 喺中環嘅深情一吻，點解當時會落雪呢？當時嘅Maurice又係咩反應？阿Lam（張彥博飾）曾經指住四張相同山聰講，你仲有三個機會、一個Jackpot， 又有咩特別含意？每一張山聰影嘅相都同單元人物有關，咁山聰要搵嘅第三者，會唔會係其中一個單元主角？點解之前零零舍舍有一幅于洋嘅相會喺Ella屋企度出現？有網民發現山聰戴嘅眼鏡有唔同，咁到底又代表咩呢？以上種種，都同之後嘅劇情有好大嘅關連。」阿細繼續賣關子，但就叫大家睇落去，相信會畀到驚喜大家。

圖片來源：大會提供

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】