傳曾志偉不滿《真係唔好笑》決定抽起 「食腦三子」何廣沛強調聽從公司安排

早前有傳無綫揼本千萬，製作遊戲節目《真係唔好笑》，由「食腦三子」何廣沛、方紹聰（奶仔）及郭子豪擔大旗，有指節目類似港版《Running Man》。不過，有說總經理曾志偉看畢節目後狠批「真係唔好笑」，決定抽起該節目。今日「食腦三子」連同江嘉敏（Kaman）現身新劇《食腦喪B》宣傳，首度回應《真係唔好笑》傳聞。

同場加映：新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握 

{{hket:ul-video id="5576"}}{{/hket:ul-video}}

{{hket:inline-image name="DSC_4273.JPG"}}{{/hket:inline-image}}

{{hket:inline-image name="DSC_4145.JPG"}}{{/hket:inline-image}}

何廣沛以男主角身分出席《食腦喪B》活動，他對《真係唔好笑》事件，明顯有備而來︰「節目安排全部由公司決定，節目幾時播都係等公司安排。至於個節目製作費要一千萬？真係講你都唔信啦，成個節目用幾多錢我真係唔知，我都係收番騷錢啫，同埋成個團隊點玩、節目點編排，我都係同其他人一樣，拍之前先知。」至於何廣沛亦是非多多，有傳他拍攝《真係唔好笑》製作人上身，擔當指揮角色，惹來主持之一的麥美恩不滿。何廣沛表示︰「我都做咗十年，好多同我合作過嘅同事都知我係咩人…我同麥美恩仲有其他演員相處都好融洽，大家唔信嘅話可以去問下佢哋。」

{{hket:inline-image name="DSC_4107.JPG"}}{{/hket:inline-image}}

{{hket:inline-image name="DSC_4125.JPG"}}{{/hket:inline-image}}

此外，早前有傳江嘉敏情斷拍拖四年的電競高層男友Anthony，除了刪除以往的甜蜜合照，更已取消追蹤對方。Kaman今早終於發長文承認甩拖，她留言向舊愛喊話︰「四年了，感謝你一路以來的相伴。我相信，我們都會以更好的自己迎接未來…我知道，你們都會好好的。」言語間似乎暗示有第三者介入。不過，她今日出席活動時撐着拐杖，難免令人聯想分手與受傷有關。她解釋腳傷是因日前發生意外︰「其實嗰日係自己唔小心跣倒，起初無諗過咁嚴重，直到去睇骨醫先知成嚿骨歪咗。」問她會否擔心外界將分手與受傷混為一談？Kaman笑謂︰「我絕對唔會做啲傷害自己嘅事！好多事都已經過去，要向前望，依家心情已經OK，我會努力工作。」

{{hket:inline-image name="DSC_4363.JPG"}}{{/hket:inline-image}}

{{hket:inline-image name="DSC_4461.JPG"}}{{/hket:inline-image}}

另外，同場的陳曉華被指獲方力申力追，她否認說：「我絕對冇拍拖，其實我受傷件事都唔係咁多人知，佢冇送公仔亦都冇追我，我比較鍾意啲一見鍾情嘅男仔。」

採訪 : 黃寶蓮 攝影︰林良明