頭文字D︳周杰倫爆心臓問題出院後首露面 攜大肚昆凌與余文樂夫妻聚頭

現年43歲嘅天王周杰倫同昆凌婚後先後育有1子1女，早前仲宣布懷有第3胎嘅喜訊，非常幸福美滿。不過近日昆凌臨盆在即，周杰倫突然Po出手臂插住針頭嘅相，疑似心臟出現問題，雖然已出院多時，不過都未見佢露面，令眾多粉絲都好擔心。終於日前病後首次曝光，同好友余文樂聚餐。

同場加映： 愛回家丨島大書蟲林浩文面油羅永健頭皮吳卓衡靠怪造型入屋 感恩有代表作：繼續追夢唔怕捱

{{hket:ul-video id="5575"}}{{/hket:ul-video}}

周杰倫7號時突然於社交平台發文：「不知道是恐慌症、還是心臟引起呼吸手麻，有醫師可以給我意見嗎？」仲貼出一張吊鹽水嘅相，疑似健康亮紅燈，引起外界關注，事後經紀公司報平安：「這兩天他呼吸有比較不順暢，醫生打個針讓他放鬆一下，現在沒事了，謝謝大家的關心。」

{{hket:inline-image name="253441031_3133762433568926_8338134383032781285_n.jpg"}}{{/hket:inline-image}}

一周後身在台灣嘅好友余文樂就喺IG限時動態更新近況，原來佢同老婆王棠云以及周杰倫夫妻「Double dating」，兩對夫妻分別穿上情侶裝，就生得嘅昆凌容光煥發，周杰倫對著鏡頭反手畀V半遮面，相比老婆睇上去面色唔係咁好，不過可以去街聚餐，相信身體並無大礙。

相識滿天下嘅周杰倫早喺後生嘅時候拍電影《頭文字Ｄ》已經同余文樂結緣，雖然二人對手戲唔多，不過近年都同長住台灣嘅樂仔行得好埋，不時聚首，病好冇耐就見樂仔，足見二人關係如手足。