愛回家丨頭皮靠兄弟大龍鳳瞞媽媽做PA 黎燕珊撐追夢：唔通老先追咩？

《愛回家之開心速遞》昨晚一集揭發原來頭皮（吳卓衡飾）隱瞞頭皮媽（黎燕珊飾）做電影片場PA助導，事關媽媽一直以來都反對，他惟有呃對方已經轉行做餐廳經理，沒想到頭皮媽突然話要到餐廳試食，令頭皮不知所措。片場上下齊心為頭皮「圓謊」，大陣仗地將片場搭建成為餐廳，希望可以瞞天過海。雖然蝦碌不少，但總算成功「過骨」，沒想到頭皮媽返轉頭叫外賣，最終踢爆謊言。

同場加映：愛回家丨島大書蟲林浩文 面油羅永健 頭皮吳卓衡 靠怪造型入屋 感恩有代表作：繼續追夢唔怕捱

{{hket:ul-video id="5575"}}{{/hket:ul-video}}

愛回家丨島大書蟲林浩文 面油羅永健 頭皮吳卓衡 靠怪造型入屋 感恩有代表作：繼續追夢唔怕捱【下一頁】

{{hket:inline-image name="tou6.jpg"}}{{/hket:inline-image}}

{{hket:inline-image name="tou5.jpg"}}{{/hket:inline-image}}

頭皮媽聽到頭皮的解釋之後，見到囝囝真心喜歡這份工作，加上工作團隊上下一心為保住頭皮份工，感動了她，從而接受兒子繼續在電影界發展。頭皮眼濕濕跟媽媽相擁一刻，非常感動。飾演頭皮的吳卓衡在社交平台分享：「頭皮媽同頭皮大鬧一番，仲有安仔同成班片場同事，一齊搞咗一場大龍鳳……All our dreams can come true, if we have the courage to pursue them. 無論係頭皮定係我自己，同好多年青人一樣都經歷過或者經歷緊，感同身受嘅一集。」

的確，24歲的吳卓衡身同感受，這場戲令觀眾睇到眼濕濕，事關他加入演藝圈工作的同時，難免受到壓力。他出身於醫護世家，爸爸是前線的急症室醫生，媽媽是註冊護士，現開設醫療公司，連公公和婆婆也是中醫。吳卓衡小學至中學就讀名校拔萃，之後升讀香港城市大學，最終選擇了演藝之路，加入邵氏兄弟當演員。

《愛回家》頭皮滿頭雪花原來兇手係佢 黎燕珊演百億富婆想同舊拍檔碰頭【下一頁】

{{hket:inline-image name="18252225_893371757470449_1199847874901311488_n.jpg"}}{{/hket:inline-image}}

{{hket:inline-image name="276035291_502569594771040_5468774994646121459_n.jpg"}}{{/hket:inline-image}}

{{hket:inline-image name="278236828_131175216160118_5439185253882498452_n.jpg"}}{{/hket:inline-image}}

至於「頭皮媽」黎燕珊育有一女一子，對於今集內容感受良多，她說：「同頭皮合作好愉快，呢個仔好乖，同成班年青人合作，被佢哋啲青春活力感染，成班都好乖，好有禮貌，同佢哋合作好開心！」珊姐育有一女一子，女兒劉詠詩原本做空姐，但因疫情轉職，現於社企工作，而囝囝劉德權畢業之後，在銀行工作。珊姐說：「佢哋長大成人，兩個都好乖。仔女話想追夢，我覺得有夢想嘅年青人，我一定支持，唔通老咗先追夢咩？感恩係兩個仔女都好乖，知道單親媽媽湊大佢哋好辛苦，出嚟工作之後都有畀家用我，唔係錢多少嘅問題，係有個責任心，真係好孝順。」她表示會將仔女的心意儲起，希望將來他們組織家庭時再交予給他們，「仔女健康成長係最好嘅禮物，比任何嘢都重要，慶幸自己畀到一個開心環境等佢哋成長。」

{{hket:inline-image name="101851407_273165277214129_4078704399476210536_n.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉