愛膚堅廣告男主角從事傳媒40年 當年只收500元：無諗過播咁耐

坊間有些廣告播足十幾廿年，甚至更長時間，已成為港人的集體回憶，只要聽到片中宣傳語句或音樂，便知道是哪一種產品。當中秋官（鄭少秋）唱的廣告歌，其中一句「好似太陽咁溫暖」，還有曾江的宣傳語句「立即變黑晒亦得」，可謂九成香港人都記得。

至於素人參與的廣告也不輸蝕，數一數二就有治療香港腳的藥物品牌，畫面見到的士司機腳痕發作，在尖沙咀馬路上「跣胎甩尾」，男乘客當場爆出金句「哼，用愛膚堅啦」，另一個就以忍者為主角拍攝的殺蟲水廣告，旁白「喺月黑風高殺蟲夜，黑旋風忍者為民除害」；而最特別是這兩個廣告好多年來也是相連播出的，電視觀眾相信已入晒腦。

同場加映：新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握

{{hket:ul-video id="5576"}}{{/hket:ul-video}}

YouTuber Hebe在其頻道以「尋人記」手法拍片，曾訪問幾位消失幕前的演員，包括《97古惑仔戰無不勝》「生蕃」陳志輝、《三五成群》「神仙B」蔡堅成及《學校風雲》「刀疤仔」霍瑞華等。他最新一個訪問就搵到「愛膚堅」金句主角陳水忠（忠哥），並去到尖沙咀的士「甩尾」現場，跟網民分享1989年拍廣告時的幕後花絮。忠哥從事傳媒行業工作近40年，退休前是任職電視台的突發新聞記者。問到當年為何會拍廣告？忠哥表示：「當年同朋友玩話劇，同團有個朋友識得廣告導演，於是成班人去試鏡，玩吓，最後選到我同另一個團員（即女乘客），而家都好少聯絡。（當年拍完有經常談論？）耐唔耐，但我哋係配音，唔係我把聲，係有講呢句對白，當年好興再加嘢（配音），而家（做法)又唔同咗。」忠哥大爆當年原定的士司機臨時失約，結果改由道具組工作人員頂上，「甩尾」的鏡頭就由特技人負責，而整個廣告拍攝於一晚之內完成。

{{hket:inline-image name="04123013.jpg"}}{{/hket:inline-image}}

{{hket:inline-image name="04123009.jpg"}}{{/hket:inline-image}}

{{hket:inline-image name="youtube2022041610.jpg"}}{{/hket:inline-image}}

{{hket:inline-image name="04123010.jpg"}}{{/hket:inline-image}}

至於廣告酬勞有幾多？忠哥爽快回答：「500元！89年嚟講都叫合理車馬費。（播咁多年是否有錢分？）梗係無啦！邊有咁著數？500元就賣斷。都無諗過播咁耐，通常電視廣告都係播個幾、兩個月，點知播咗卅幾年！一開始唔多覺，通常夜晚先播，播咗十幾年就有人留意到。（成為集體回憶？）開心囉！起碼有人識。」

（↓點擊放大睇圖片↓）

這個訪問引來不少網民討論，有人提議Hebe訪問「黑旋風忍者」，Pigeon BB及日本肝油丸的童星，網民相當搞笑地稱︰「多謝Hebe帶嚟一個咁經典嘅回憶，幾時搵埋黑旋風個忍者」、「搵留Pigeon個BB就癲，佢無50（歲）都應該有40」、「80後表示好有回憶，仲有日本肝油丸，應該都係好經典！由細睇到大」、「個個都話搵黑旋風，但我建議不如搵埋『用Pigeon，BB開心，媽咪放心』嘅BB出嚟」及「集體回憶，真係睇咗幾十年」。而原來歐錦棠亦有捧場，他留言大讚：「你咁都搵到，服！」Hebe開心回覆：「棠哥……盡力試下㗎咋。」

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】