晚吹 - 戀講嘢︳奀星又食又拎不事生產等女友養 口罩小姐爆遇「食粉絲」人父賤男

ViuTV節目《晚吹 - 戀講嘢》每集都會請唔同嘅嘉賓分享戀事，周不時有爆炸性嘅故事，令觀眾「腦洞大開」。而下星期二（19日）播出嘅一集，請嚟口罩小姐「肥妹」李文潔（Liz）擔任嘉賓，Liz喺6年前透過朋友認識賤男前度A君，而A君竟然係娛樂圈人，令人非常好奇到底佢係邊個？

同場加映：新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握

{{hket:ul-video id="5576"}}{{/hket:ul-video}}

Liz表示A君係一名歌手，以前擁好多粉絲，更舉行過演唱會。Liz指自己欣賞A君嘅才華，二人相識不久後便發展成戀人關係。交往時，A君每日只係睡覺同飲酒，冇努力爭取工作機會；相反Liz有好多模特兒工作，賺錢比男友多。A君見女友賺錢多，就攤大手板問女友要錢還債，更希望女友可以賺錢包養佢。

{{hket:inline-image name="jvotZXz-3GU8rme3UszrqLUVEPZK9bqAvpSAZL6UgGQ.png"}}{{/hket:inline-image}}

二人相戀一個多月後，A君仲突然同Liz講自己有一個仔，而阿仔嘅媽媽係A君的粉絲，阿仔亦交由女方照顧；而A君每個月靠父母畀嘅零用錢支付阿仔嘅贍養費。

《晚吹 - 戀講嘢》三位主持人193郭嘉駿、郭奕芯、譚凱倫對A君「食粉絲」一事感到吃驚，193表示「食粉絲」為娛樂圈大忌，聲稱自己從未同粉絲交換過聯絡方法，認為藝人同粉絲之間應當保持距離。唔少網民都估奀星係邊位，矛頭直指「食粉絲」雯雯嘅張致恒，不過都有唔少人撐佢時間線並唔吻合，相信奀星另有其人。

圖片來源：Facebook

撰文：黃蘊姿