拍拖要有相近的價值觀，一名出身自中產家庭的女大學生，與公屋出身男友拍拖，雖然家境有差距，事主及家人從未嫌棄，並欣賞他一直自強奮鬥，然而男友自卑心作祟，經常埋怨「你咁有錢，都唔明我呢啲窮人嘅諗法」、「你同我都唔同」，令女友終忍無可忍提出分手，甚至形容令她領悟到拍拖要「門當戶對」。
同場加映：
管家王| 房門鎖老化易反鎖房內 家居達人教10分鐘換圓珠鎖
周日（10日）一名女大學生在「連登討論區」，以「前男友教識咗我搵男女朋友一定要門當戶對」為題發文，自己住在私樓，家庭環境較好，「老豆都叫搵十幾皮，屋企人相處融洽」，前男友則住公屋，出身自單親家庭，從小缺乏父母的愛。儘管如此，自己和家人從未嫌棄男方，反而欣賞他為了交學費努力賺錢，連辛苦工都肯去做，並不介意他的家庭背景。
然而因雙方家境相差甚遠，前男友經常自卑心作祟，二人亦不時因此吵架，
「成日借啲意喺度講『你咁有錢，都唔明我呢啲窮人嘅諗法』、『唉你唔會明㗎啦』、『你同我都唔同』。」
事主每次聽到類似說話都會感不悅，指自己雖然出身自小康之家，但都深明不能只攤大手板問家人拎錢，有時間便去做兼職賺錢；外出時亦會建議「食平啲」，而且堅持AA制。即使想購物亦只會「死慳爛慳」，「唔會要求父母或其他人畀額外嘅錢。」
為收入較少感自卑
由於雙方當時同為大學生，故都有兼職打工賺錢，事主指第五波疫情前自己兼職收入每月約8,000元，前男友則只有4,000至5,000元，事主指「佢有時都會因為我搵得多過佢唔開心」。
在二人拍拖期間，事主也經常為男方著想，「一直都有企對方立場去諗過」。而為了守護前男友的自尊心，較富有的她並不會負責全部使費，因不希望他會有「冇鬼用！食餐飯都要女朋友畀」的想法，
「試過啦，食飯我請，都問我係咪覺得佢冇錢先咁做。」
曾考慮復合 最後打消念頭
事主坦言自己仍喜歡對方，最近亦一直考慮復合，但就表示「就算一齊番都好，唔明就係唔明」，儘管拍拖時一直鼓勵對方，但有感問題不會解決，會再次出現自己「做乜都好都係錯，都係罪」，最終打消聯絡對方念頭。她最後祝福前度能找到真正理解自己的人，
「咁你就同對方有好多common ground（共通點），唔使日日拎對方嚟做比較。」
網民：與出身無關
帖文引起網民熱議，不少網民認為事主經歷正正反映「門當戶對」的重要性，「木門對木門，竹門對竹門，並唔係冇道理」、「唔同條件生活環境都唔同，有時價值觀都有分歧」；不過亦有人認為問題並不在於門當戶不對，而在於個人的性格及想法，「大把男仔娶富婆啦」、「出身窮唔係問題，要人分享埋佢自己嘅自卑感先係問題」。
- {{hket:inline-image name="p_600_600.jpeg"}}{{/hket:inline-image}}
- {{hket:inline-image name="8.jpeg"}}{{/hket:inline-image}}
- {{hket:inline-image name="7.jpeg"}}{{/hket:inline-image}}
- {{hket:inline-image name="6.jpeg"}}{{/hket:inline-image}}
- {{hket:inline-image name="5.jpeg"}}{{/hket:inline-image}}
- {{hket:inline-image name="4.jpeg"}}{{/hket:inline-image}}
- {{hket:inline-image name="3.jpeg"}}{{/hket:inline-image}}
- {{hket:inline-image name="2.jpeg"}}{{/hket:inline-image}}
- {{hket:inline-image name="1.jpeg"}}{{/hket:inline-image}}
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：陳潔雯