金宵大廈2丨李君妍重演《城寨英雄》刁蘭角色 打女出身極大反差：好好玩

《金宵大廈2》第三個單元《城寨英雄GO！》中，阿晴（李君妍飾）、楊洋（劉子碩飾）和豪強（伍禮騫飾）收到遊戲邀請，在網吧打機期間進入遊戲場景入，需要不斷完成任務去增強能量值，才能成功打贏不同的對手。今次題材新鮮，跟上兩個單元的驚慄、淒慘、恐怖氣氛完全不一樣，給大家帶來新鮮感。上星期五（8日）播出第一集，不少觀眾反應兩極，有人認為難以投入遊戲世界，亦有人覺得畫面同橋段跟平日遊戲非常相似，大感有趣新鮮。

同場加映：新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握

{{hket:ul-video id="5576"}}{{/hket:ul-video}}

李君妍拍《七公主》角色有得著 新手速成班 苦練4個月變劍擊女神【下一頁】

{{hket:inline-image name="20200923-DSC07873.jpg"}}{{/hket:inline-image}}

{{hket:inline-image name="TINGNG8.jpg"}}{{/hket:inline-image}}

{{hket:inline-image name="qVnCw9JABkQZq5PVlAYJtqRfN7YJ8hdfF0FNYhdBTWI.jpg"}}{{/hket:inline-image}}

{{hket:inline-image name="1485622532-3860039163_n.jpg"}}{{/hket:inline-image}}

{{hket:inline-image name="1470840395371SF_DAC94E87130CE32612062F82F3DB8331.jpg"}}{{/hket:inline-image}}

劇中，阿晴由原來不拘小節的男仔頭女仔，突然變成《城寨英雄》入面的刁蘭，角色原型由胡定欣飾演，有一個民初造型和打鬥黑皮衣造型，非常入型入格。劇中牽涉不少動作場面，不過對於有功夫底子的李君妍而言絕對不成問題；日前在記者會上，連陳山聰都大讚李君妍非常厲害，個肚硬食幾拳都冇問題。李君妍昨日開直播表示，事前有重溫《城寨英雄》的場面作準備，她隨後接受《晴報》電話訪問，「知道要重演《城寨英雄》我覺得好興奮，因為套劇好受歡迎。而我哋喺造型上面，劇組都做到一絲不苟，服裝上面真係完全跟足《城寨英雄》佢哋，所以其實大家一睇就知道我哋係扮緊邊一個角色。唯一擔心嘅係因為套皮衫，每次拍之前都唔敢食太多嘢，怕會著唔落，希望盡力去做好每一個細節。」君妍認為反而阿晴令她感到有壓力，「因為我怕做唔到嗰種感覺，尤其係把聲，我已經盡量壓低少少粗魯啲講嘢，好彩嘅係我當時係短頭髮，同埋個妝係超級淡妝再化到我有勁大人個黑眼圈、眉毛都好雜亂咁，適合番個角色多啲。」

大步走│大舊背心Look似足港版羅拉朱芊佩 李君妍超弗身材全靠好武功？【下一頁】

提到第三單元的氣氛跟上兩個單元不同，觀眾有不少的反映，她說：「我覺得我哋呢個單元可以話係一個好嶄新嘅嘗試，呢一個單元，如果鍾意打機嘅朋友可能好容易代入得到，因為呢套劇有好多細緻嘅位，每一個單元都會同『金宵大廈』有關連，各位觀眾只要睇晒每一集每個單元就會明白。」至於打戲較多，君妍都駕馭得不錯，據知今晚劇情將會打得更「甘」，她說：「相信監製選擇我做呢個角色，都對我喺動作方面有一定嘅信心，所以拍打戲我唔覺得好辛苦，我覺得好好玩，因為多咗啲經驗嘅時候反而係輕鬆咗，嗰場戲我係要被瑞偉哥打，被佢踢我個肚，當然要食幾下，但係因為瑞偉哥佢好有經驗，佢都有錫住我，所以都好順利冇整親我。反而係我著高踭鞋有一啲走動位要發力，一時急得濟拗柴整傷咗自己。今次加上同林子善、韋家雄佢哋兩個開心果一齊拍攝，佢哋好照顧我哋，成個拍攝過程都好開心、好幸福。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉