薛凱琪驚變複製網紅臉零辨識度 粉絲難以接受：畀番初戀情人我

薛凱琪（Fiona）從18歲就開始兼職做模特兒，入行前曾拍攝多個廣告，又做雜誌模特兒，2003年更推出個人專輯。佢外形甜美可愛，招牌小包包面同陽光少女笑容，仲有唔作狀嘅鬼妹仔tone，當中俘虜過唔少少男嘅心，簡直係少男夢中情人，紅到一時無兩。

同場加映： 新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握

{{hket:ul-video id="5576"}}{{/hket:ul-video}}

現年40歲嘅薛凱琪前年回歸華納唱片，推出《南昌街王子》同《哥本哈根的另一個我》反應理想。最近佢仲轉戰內地，被爆有份拍攝內地綜藝節目《乘風破浪的姐姐3》。唔再行可愛少女路線嘅佢，打扮同曲風當然都變得成熟，近年更被指連個樣都變埋，近日佢post出新相，fans更加係完全唔認得，唔少人都高呼「接受唔到」。

{{hket:inline-image name="1.png"}}{{/hket:inline-image}}

本來「包包面」嘅Fiona近年冇晒Baby Fat，成熟咗好多嘅佢女人味十級跳。不過噚日Fiona喺佢嘅IG上載多張相片，外形消瘦，眼大大又面尖尖，驟眼睇就似范冰冰加曾樂彤，唔睇Account名真係以為自己唔知Follow咗邊個內地網紅。

唔少網民都大感震驚，留言話認佢唔到，留言表示：「個樣唔同晒，好似啲國內女子咁。」、「好恐怖，你以前明明好靚」、「我明明follow薛凱琪，呢個邊個嚟？」、「我仲以為係台灣Youtuber『白癡公主』。」、「之前Fiona辨識度好高，而家同一個路人冇分別。」、「其實會唔會過唔到關？」幾乎大部份網民都對Fiona嘅新形象一面倒咁批評，唔少人都接受唔到，高呼「還我初戀」。

撰文：黃蘊姿