粉紅衣女子無綫新聞中憑空消失 「靈異畫面」網上瘋傳背脊發涼

唔少人都認為錄像鏡頭有時可以捕捉到人類肉眼捕捉唔到嘅嘢，近日網上就有一條無綫新聞嘅訪問片段被瘋傳，因為呢條片入面發生咗一啲難以解釋嘅現象。

同場加映：愛回家丨島大書蟲林浩文 面油羅永健 頭皮吳卓衡靠怪造型入屋 感恩有代表作：繼續追夢唔怕捱

{{hket:ul-video id="5575"}}{{/hket:ul-video}}

記者就近日疲情落區訪問街坊，片段中一位婆婆正接受訪問，受訪期間，婆婆身旁突然出現一名身穿粉紅色上衣的女子，女子快速地跑走，同婆婆擦身而過，而女子走到婆婆身後時突然漸變透明，憑空消失，之後喺鏡頭遠方再次出現，畫面相當詭異，網民都話睇到個人寒一寒，唔知係咪發生靈異事件，又煞有介事咁話左手邊Van仔嘅玻璃窗見唔到女仔反影，非常古怪。

{{hket:inline-image name="Ebqpa4Zwform44_S7MKTC5GNsfg4EpoqvJ9KBLyfSgQ.png"}}{{/hket:inline-image}}

不過其實細心睇，片段似乎經過剪輯，婆婆受訪過程嘅其中一段被剪走，先會令女子喺畫面中閃現。另一個明顯證據就係鏡頭後嘅小巴，小巴喺女子消失嘅同時都係突然出現喺馬路，相信影片未必係靈異片段。

無綫新聞片段中有人「憑空消失」都唔係第一次，曾經有新聞片段影住一名男子在鏡頭遠處走到鏡頭前就突然消失，相信都係因為剪接，唔少網民都留言話嚇到，並表示無綫可以剪接得自然啲；又有網民問無綫新聞部係咪配合劇組宣傳，整一個《金宵大廈2》嘅新聞版，留言：「睇《金宵》後，好多人有「鬼上身」彼遺症！」

圖片來源：截圖

撰文：黃蘊姿