一屋都係女人︳林盛斌日理萬機甘為愛女呆等 三個家姐育成弟弟做完美男友

林盛斌（Bob）瓣數多多，身為事業型男嘅佢除咗主持、司儀、演員等工作外，仲有便利店同網上食品生意，可以話係日理萬機！不過佢同時都好重視家庭生活，幾忙都會抽時間陪屋企人，日前佢就全家出動去Shopping喇！Bob嫂黃乙頤（Pearl）在社交平台透露，阿Bob對佢三位前世情人非常有耐性，仲有少少「呷醋」！

同場加映： REBOUND丨Alton隔7個月先覆短訊認衰仔 AK稱入行爆忙感激圈外老友諒解

{{hket:ul-video id="5540"}}{{/hket:ul-video}}

Bob嫂Pearl留言︰「嗰日，三位小姐喺時裝店買衫，已經試咗十萬轉...當諗住畀錢嘅時候，仲要再試多件。Jaye問：乜唔係試完喇咩？（不耐煩Mode）爸爸答：係呀！仲要再試多次，女仔係咁架喇！Jaye：...... 」平時Bob都好錫仔女，當三個女試身室試衫都一直無怨言咁等，真係唔係咁多男人做到，最緊要嘅係佢仲身教埋囝囝點做個有耐性嘅好男人！

{{hket:inline-image name="277913591_131956969405750_9073494275527161488_n.jpg"}}{{/hket:inline-image}}

有網民話呢個係成屋都係女人嘅「甜蜜煩惱」，不少網民留言讚阿Bob表現出「爸爸的愛」，Bob嫂表示︰「幾個女輪着試衫，等咗佢好耐。」有網民話︰「沒辦法，爸爸的前世情人。」Bob嫂答︰「 所以佢惟有靜靜坐喺度。」

不過Bob嫂補充多一句：「利申 - 拍拖嘅時候除咗林先生要我買衫所以要試之外，佢好似從來冇喺試身室門外等過我！」除咗顯示前世情人身份寧舍唔同之外，其實都顯示出Bob嫂真係好為另一半設想，好理另一半感受，唔會要Bob自己一個呆等。如果個個都好似佢哋咁相親相愛，真係世界和平呀！

圖片來源：Instagram