金宵大廈2丨蘇皓兒化毀容妝打破鄰家女孩形象 公開變身過程 原來重口味最想演喪屍

《金宵大廈2》話題不斷，由伍詠薇（伍姑娘）及蘇皓兒（Chloe）主演的單元「雙魚」剛播畢，除了伍姑娘的精湛演技備受讚賞之外，Chloe的演出同樣令觀眾眼前一亮。Chloe在劇中的毀容妝非常逼真，她形容當初倒模過程新奇又緊張，每次拍攝前更需花至少3小時化妝，認真辛苦。自認最愛重口味題材的Chloe，坦言愛演喪屍，冀能累積更多演出經驗，建立明確的演員定位。

同場加映：REBOUND丨Alton隔7個月先覆短訊認衰仔 AK稱入行爆忙感激圈外老友諒解

{{hket:ul-video id="5540"}}{{/hket:ul-video}}

金宵大廈2丨 蘇皓兒親解渺渺最終黑化原因 改篇自真人故事可惜結局大不同【下一頁】

{{hket:inline-image name="skllme20220329106.JPG"}}{{/hket:inline-image}}

{{hket:inline-image name="skllme20220329108.JPG"}}{{/hket:inline-image}}

以往多飾演乖巧可人兒的Chloe，自言今次飾演「渺渺」一角是她影視上的新嘗試，毀容妝非常搶眼，她說︰「今次個角色我好鍾意，之前訪問我有講過，好想演一啲社會上嘅小人物，或者係小眾啲嘅角色，咁啱就畀我遇到呢個角色。」

Chloe表示這是她第一次接觸特技化妝，感覺新奇，「試造型前去咗一間特技化妝公司做倒模，佢會用啲膠封住我成個人，淨係插咗兩支嘢喺我鼻哥窿畀我唞氣。因為個模具要蓋至膊頭位置，所以成個人僵咗喺度唔郁得；唔單止侷到出晒汗，我又有啲緊張，因為耳仔都封埋，人哋講乜嘢都聽唔到，唔知時間過咗幾耐，化妝師成日同我講幾個字啫，點知最後要個幾鐘。」

Chloe形容倒模是一個特別的經歷，及後看到自己的石膏像同樣嚇一大跳，「之後要去番間公司睇成品，第一眼見到自己個石膏像覺得好詭異，瞇埋眼又光頭，哈哈！」為了一個逼真的毀容妝，Chloe每次拍攝均要提早至少3個小時到場，她解釋︰「每一日拍之前都要3至5個鐘去化妝，化塊面要3個鐘，如果嗰日拍攝會影到個身就要化5個鐘。我記得有次朝早8點開工，凌晨3點我就要去到現場，同另外兩位化妝師成晚喺度『奮鬥』，我又唔可以真係瞓着，因為有時佢哋要我郁吓，試吓啲位啱唔啱。」

【女神收割機】羅天宇曬合照洩「蜜」疑秘戀蘇皓兒 26歲長腿女神扮學生妹成功入屋【下一頁】

提到《金宵大廈》口碑不俗，Chloe謂今次拍攝續集不但沒有壓力，而且非常興奮能參與其中。「我本身好鍾意睇鬼片、恐怖片、驚悚片，殺人嗰啲重口味嘢，今次完全開正我嗰瓣！」想不到外表斯文的Chloe竟最愛看恐怖片，她更滔滔不絕道︰「我最鍾意就係做喪屍！之前拍戲，導演話成班演員做咩都得，純粹撞啲火花出嚟，我嗰陣就係扮喪屍！開心咗好耐，終於有得扮喪屍，雖然嗰場戲最後剪淨一秒，但我都覺得好滿足，同埋會諗『如果呢個係一個完整嘅角色，我應該會扮得好好』。但做喪屍面容好扭曲，肢體動作又奇怪，好似無咩戲可演，如果可以就做一隻半正常嘅喪屍、有思想嘅喪屍就正啦，哈哈！」

{{hket:inline-image name="skllme20220329120.JPG"}}{{/hket:inline-image}}

{{hket:inline-image name="skllme20220329112.JPG"}}{{/hket:inline-image}}

{{hket:inline-image name="a69d4c.JPEG"}}{{/hket:inline-image}}

曾為女子組合As One成員的Chloe，會否再接觸跳唱？她坦言︰「呢幾年就唔會喇！因為都想定位喺演員方面，等觀眾、網民對我有多啲認同。自己係組合出身，又成日做Model，又賣吓廣告咁，而家演員呢個定位想做好啲，乜嘢種類嘅戲我都歡迎㗎！」

髮型︰Al Leung @ The Attic 
化妝︰Melody Chiu

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：陳子楠
攝影︰林良明