張馨月再被黑粉與林峯舊愛比較 隔空鬥廚藝吳千語豪華廚房完勝

林峯2019年同張馨月結婚，翌年誕下囡囡，張馨月現時同老公喺香港居住，過幸福人妻生活嘅佢不時都會喺社交平台分享近況。雖然林峯同張馨月女都生埋，不過唔少網絡遊魂都仲對林峯嘅前度吳千語念念不忘，不時將二人比較，日前張馨月孭名牌袋行街市，又再被抨擊。

同場加映： REBOUND丨Alton隔7個月先覆短訊認衰仔 AK稱入行爆忙感激圈外老友諒解

{{hket:ul-video id="5540"}}{{/hket:ul-video}}

張馨月日前post出近照，留言：「疫情讓出去吃飯都變成一種難得…​​」其中有幾張見到佢行緊街市，不過就孭住名牌手袋，成個闊太咁。而大家嘅focus都唔係佢「貼地」表現，而係focus喺佢嘅名牌手袋，有網民覺得佢呢個場合孭呢個袋一啲都唔合適；又有人指張馨月成日都孭呢個袋，話林峯當年送好多名牌手袋畀吳千語，指張馨月地位不及千語BB！

{{hket:inline-image name="68d7238dgy1h0v6z3j8gyj22bc3407wj.jpg"}}{{/hket:inline-image}}

除咗行頭，網民連二人嘅廚房都拎嚟比較。咁啱張馨月同吳千語都鍾意下廚整番幾味，早前張馨月post出佢為老公整嘅豬腩肉，意外將廚房曝光，唔少網民見到都指佢嘅廚房好「平民」，同一般家庭嘅焗爐冇分別；相反吳千語就曾經post出佢居住大宅嘅廚房，樓底至少有四米高，此外，佢用嘅仲係入牆式嘅專業級焗爐，據知係男友施伯雄落重本裝修愛巢，知千語BB鍾意煮嘢食，就豪置3萬蚊一個焗爐，等佢可以大展身手！

{{hket:inline-image name="11_6.jpg"}}{{/hket:inline-image}}

其實林峯一家三口目前住在薄扶林嘉林閣一個近2千549呎嘅複式單位，係林峯於2015年以逾6千萬購入，當時係用嚟同吳千語築愛巢，目前已升值超過7千萬。林峯當年本身住帝景園，但有指因為前前女友潘霜霜住過，千語講明唔會搬入去，林峯以「業權轉讓」方式高於市價買入新單位。當時更影到林峯同千語拍拖添置家品，買入新款雪櫃同焗爐，千語更加話事搞裝修。 

另外，吳千語不時都會喺社交平台上載自己嘅煮食過程，早前佢話自己疫下煮到可以出食譜，即引來唔少網民讚好，又乘機批評張馨月，留言：「千語做的料理，日料韓料西餐等雖不是特别高檔菜餚，但勝在營養均衡美味簡單易學，品味比某傻笑自戀狂師奶做肥膩甜膩油炸辛辣刺激食物、多油多鹽多糖多辣多煎炸多嘌呤的肥胖餐痛風餐高多少個檔次。」不過都有唔少人撐張馨月，指佢已經成為咗林峯嘅老婆，Fans們都係祝福佢哋好過啦！

撰文：黃蘊姿