同名同姓同公司｜何晉樂曾被化妝同事「點錯相」 遭錯認《聲夢》Rock意外促使相認

提起「何晉樂」的名字，你會記起《聲夢傳奇》中的歌手何晉樂（Rock）；定係曾經喺《愛·回家之開心速遞》中飾演校園惡霸Tony/Tommy嘅演員何晉樂（Timothy）呢？無獨有偶地，兩人不但同名同姓，更同係TVB旗下藝人。Rock早前就邀請Timothy上佢嘅YouTube Channel，大玩快問快答測試兩人默契之餘，更大談入行以來的心事！

{{hket:inline-image name="7.png"}}{{/hket:inline-image}}

同場加映：愛回家丨島大書蟲林浩文面油羅永健頭皮吳卓衡靠怪造型入屋 感恩有代表作：繼續追夢唔怕捱

{{hket:ul-video id="5575"}}{{/hket:ul-video}}

入行4年嘅Timothy，表示自己最難忘的角色是《愛回家》中分飾Tony/Tommy，「都感恩有呢兩個角色，都探索咗好多唔同嘅嘢。原來一個調皮蝦人嘅角色，佢可以有幾多唔同面向畀觀眾。同埋佢都係一個製造歡樂嘅位…」Rock就提到自己做歌手都係想帶歡樂畀聽眾，兩人雖然一個係演員，一個係歌手，但都係想娛樂觀眾。Timothy總結：「互相都係好摺嘅人，但我哋都係想帶Energy畀人。」Rock直言係有一份使命感。

{{hket:inline-image name="4.png"}}{{/hket:inline-image}}

Timothy接受《晴報》訪問，提到今次與Rock拍片嘅感受，更大爆原來與Rock一早已「相識」。Timothy表示喺中學時已經知道自己同Rock係同名同姓 ，「當年中學時有朋友，打我全名搵我Instagram，結果搵到Rock，然後我都follow咗佢。只係無諗到我哋居然入咗同一間公司，真係神奇嘅緣份！」

佢仲提到因為佢哋撞名，喺公司都曾發生一件趣事，仲促使到兩人相認。Timothy說：「有一次，我外景完返公司，有化妝同事叫我快啲去一廠，但我知道一廠當時正在拍攝《聲夢傳奇》。我知道搵嘅唔係我，所以我就跑去一廠化妝間搵Rock，然後我哋就相認喇！」

Timothy雖然比Rock細兩歲，但就早對方3年入行。佢表示Rock感覺很為人著想，的確有幾分哥哥的感覺。佢又大讚對方：「經過一同拍片後，更加感受到佢對唱歌的熱情和真誠，我亦相信呢樣係我哋最大嘅共通點。只是範疇上，他是歌手；我是演員。」

{{hket:inline-image name="277900042_337621945012073_8161217357041607972_n.jpg"}}{{/hket:inline-image}}

《愛回家》｜何晉樂原來一家三代都做過演員 爺爺大有來頭有「救十二碼王」之稱【下一頁】

撰文：林惠珊