童言有計2︱應采兒不滿「四大長老」湊孫縱壞晒 老竇飯前一個問題丁丁無名火起

現年38歲嘅應采兒（現名陳丁冉兒）同現年54歲嘅陳小春（現名陳泰銓）2010年結婚，婚後誕下2名兒子，分別係8歲大仔嘅Jasper同即將2歲嘅細仔Hoho。雖然應采兒同陳小春年紀相差大，但育兒方式大同小異，睇過《爸爸去哪兒》嘅觀眾都知道佢哋對小朋友非常嚴厲。日前應采兒就喺節目中大談自己對「長老們」嘅湊孫方法，「我實在看不過眼」。

同場加映：飛虎3壯志英雄丨蔡思貝認表裡不一軟弱時需要陪伴「事業未成唔會諗結婚生仔」

{{hket:ul-video id="5540"}}{{/hket:ul-video}}

應采兒同袁詠儀喺節目《童言有計2》大談育兒經，前者直言唔喜歡畀「四大長老」湊孫，因為佢哋經常寵孫寵過頭變成縱壞。應采兒舉例爸爸經常喺晚飯前問Jasper想食麵定食飯，呢個舉動睇落好貼心，但應采兒一聽到就無名火起，非常抗拒爸爸呢個做法，她瞪眼表示︰「這裏不是餐廳，有甚麼就吃甚麼！」佢覺得唔使次次都以小朋友意見為先。

{{hket:inline-image name="96510825_2668853490104246_255197264574084861_n.jpg"}}{{/hket:inline-image}}

應采兒對開飯時長輩畀小朋友先食都十分睇唔過眼，她怒氣沖沖說︰「有時候一家人用有轉盤的圓枱吃飯，有些長輩總會先將菜轉到孩子面前，讓小朋友先吃。」續指自己會拒絕長輩嘅好意，唔畀阿仔「動筷」，仲同阿仔講：「不！我們可以等！」佢覺得必須等長輩起筷後，後輩先可以開始食；同時又提到只剩最後一塊肉或菜時，佢會教小朋友唔可以因為碟上係自己鍾意嘅食物就「據為己有」，應采兒堅持：「這是基本禮儀！」

應采兒大仔Jasper幾年前同父母一齊拍攝真人騷，觀眾大讚佢有禮貌、生性。應采兒喺《童言有計2》嘅一番言論，唔少網民都話媽媽係功臣，同時都有網民指佢呢套教法嚴厲，如果要求唔係太無理，小朋友嘅意見都值得尊重！

撰文：黃蘊姿