MIRROR丨姜濤羨慕周潤發半退休生活 冀30歲轉做演員或幕後

姜濤本月30日將滿23歲，雖然他年紀輕輕，但思想十分成熟。日前他接受加拿大A1中文電台《薛聽音樂》訪問，剖白入行後的轉變︰「可能呢幾年好快地發生咗好多事，成個人反而deep咗好多。啱啱入行嘅時候天真好多，天真呢方面依家少咗好多，我諗呢方面改變最大。」

同場加映︰河國榮來港35年最愛香港人 面對逆境：一定有明天嘅！

{{hket:ul-video id="5501"}}{{/hket:ul-video}}

{{hket:inline-image name="5.jpg"}}{{/hket:inline-image}}

{{hket:inline-image name="3.jpg"}}{{/hket:inline-image}}

{{hket:inline-image name="4.jpg"}}{{/hket:inline-image}}

姜濤目前歌、影、視三棲發展均不錯，但他自覺未必會在娛樂圈做一世︰「對於真正熱愛表演嘅人嚟講，呢一行係每個人都想入嘅門檻，但我自己覺得我並唔適合太長時間stay喺呢一行。可能除咗上舞台之外，呢一行嘅其他嘢都唔係好適合我。姜濤又坦言很喜歡周潤發的生活模式，「覺得佢好好呀，住喺山上面，得閒落嚟拍下戲，我諗嗰個係我理想嘅生活狀態。可能我過咗30歲之後，應該會轉行做演員或者幕後都唔定。」

{{hket:inline-image name="k4.jpg"}}{{/hket:inline-image}}

姜濤希望將來演醜角，但他卻對於肥仔角色有所保留，他笑說︰「我一定好容易變番肥仔，我就OK，但唔知公司接唔接受到呢？咁應該未必喇，因為要好長一段時間先可以減番。」

{{hket:inline-image name="1.jpg"}}{{/hket:inline-image}}

{{hket:inline-image name="2.jpg"}}{{/hket:inline-image}}

另外，姜濤最近為護膚品拍攝新一輯廣告，以「用肌膚說話」演繹護膚成果。廣告中，姜濤罕有以居家造型，於床上瞓身擺出多個甫士拍攝「床照」，工作忙碌的他，睡眼惺忪笑說︰「我依家可以表演一秒瞓着！」

撰文︰黃寶蓮