飛虎3壯志英雄︳梁競徽亦正亦邪演技獲讚有進步 臨崖勒馬救黃宗澤齊跳海點收科？

《飛虎3壯志英雄》逢周一至周五晚九點半於無綫翡翠台播出，唔經唔覺劇情已經去到白熱化階段。昨晚（29日）一集講到張嘉軒（黃宗澤飾）發現許森（梁競徽飾）係神秘組織Infinity成員，見面時並質問佢到底咩陰謀；雖然許森早已安排狙擊手待命，但臨陣卻因念及兄弟情，化身人肉擋箭牌保護嘉軒，更自願被對方逮捕，惟嘉軒帶許森回總部期間再遭神秘人襲擊。

同場加映：飛虎3壯志英雄丨蔡思貝認表裡不一軟弱時需要陪伴「事業未成唔會諗結婚生仔」

{{hket:ul-video id="5494"}}{{/hket:ul-video}}

原來神秘人為覬覦化武DH2嘅買家之一，許森面對嚴刑逼供仍守口如瓶，直到對方以嘉軒性命作威脅先講出DH2下落。最終嘉軒、許森合作，雙雙跳海成功逃走。今集重點圍繞黃宗澤、梁競徽嘅兄弟情，為求目的不擇手段嘅許森，弱點竟然係昔日好兄弟嘉軒，佢不知不覺間被嘉軒嘅善良打動。

{{hket:inline-image name="6.jpg"}}{{/hket:inline-image}}

二人逃走時，黃宗澤勸好友回頭是岸：「我知你好想做救世主，去清洗呢個黑暗污糟嘅世界，但你有冇諗過呢個世界仲有好多好人㗎？」梁競徽無奈回應：「有！你同埋你屋企人，但喺呢個世界上面佔好少數，喺我哋呢個世界，從來都唔係好人同善良嘅人話事！」由徽徽把口講出嚟，寧舍有Feel呀！

梁競徽劇中角色亦正亦邪，網民都話嬲佢唔落，又讚佢演技大有進步：「這次演的太高深莫測了」、「演得太好了」今次佢文戲較多，今集有一幕被吊高虐打嘅場面拍得相當辛苦。梁競徽早前接受《Star Talk》訪問時透露：「又要畀人吊起，又要逃走跳落海，記得嗰一晚好凍，仲要喺山上面一間石屋度拍，凍到我飛起，佢哋話我舒服咗咁多集，呢一集辛苦少少就唔好呻喇！」不過咁多觀眾Like，真係咩都抵番晒！

至於今晚（30日）播出第28集，講到許森把嘉軒救上岸後消聲匿跡，嘉軒認定許森係壞人嘅同時，又對兄弟為自己作出犧牲而感動，相當矛盾。另一邊廂高子樂（吳卓羲飾）帶杜以盈（姚子羚飾）到余曉欣（蔡思貝飾）墓前，坦言接近以盈只為查案，以盈知道真相後傷心不已。

圖片來源：大會提供