疫下星二代︳湯怡囡囡勁驚出門喊足15分鐘 長期禁足保護：唔畀佢接觸任何人

現年34歲嘅湯怡去年2月同麥秋成奉子成婚，6月誕下寶貝女「麥QQ」麥紫喬，二人為囡囡開咗個IG帳戶，分享囡囡嘅可愛日常，儲落咗唔少Fans呀！不過見QQ近日所有相都係喺屋企影，湯怡近日同fans玩你問我答嘅時候就講出箇中原因，相信都係唔少媽媽嘅心聲。

同場加映：REBOUND丨Alton隔7個月先覆短訊認衰仔 AK稱入行爆忙感激圈外老友諒解

{{hket:ul-video id="5540"}}{{/hket:ul-video}}

日前有位fans留言問湯怡QQ係咪冇得去街，湯怡回應：「我係極度保護小朋友嘅家長，QQ仲細抵抗力有限，所以唔會帶佢出街亦唔畀佢接觸任何人，因為OMICRON真係唔係人咁品！但最近諗長遠落去真係唔係辦法，好想帶佢見多啲唔同嘅事物刺激一下大腦，所以前排帶QQ到屋企附近行下睇羊仔，但一出門就喊足15分鐘……應該係佢喺屋企好一段日子，冇接觸外面世界，所以好驚好唔習慣。而家決定一星期最少帶佢一次去郊外，呼吸吓新鮮空氣望吓新事物，希望疫情快啲過。」

{{hket:inline-image name="273944266_116889697576126_3899673917350044630_n.jpg"}}{{/hket:inline-image}}

有網民留言表示覺得湯怡過分緊張，因為適當畀小朋友接觸唔同外界都對佢自身免疫力有益；亦都有唔少媽媽都表示好有共嗚，覺得明白湯怡嘅心情，好想保護好小朋友但又擔心令佢同世界「脫節」，窒礙bb發展，疫下做人父母更艱難呀！

其實湯怡都已經有自製活動畀bb，佢曾經上載9個月大QQ被水照頭淋出浴照，QQ一啲都唔怕水，湯怡仲話遲啲帶佢去游水玩水。然而都唔使等疫情過，湯怡已經喺自己屋企開吹氣水池畀囡囡玩水，好彩屋企夠大，已經幸福過好多bb喇！

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：娛樂組