新冠肺炎︳老婆確診居家隔離8天 港爸細心照顧自嘲「小春子」 分享一家「困獸鬥」反而有得著

本港新冠肺炎疫情雖似有緩和，惟每日仍新增數千宗確診個案，防疫方面不能鬆懈。一名港爸近日訴說太太確診經歷，他將年幼女兒交由外傭照顧，自己主力照顧太太，即使在家工作（Work From Home）不忘細心陪伴，更不惜化身「小春子」為「娘娘」斟茶遞水、陪她聊天解悶等等。他坦言8天的隔離作戰確實辛苦，行文間流露對太太的愛護，令不少網民大讚甜蜜溫馨。

同場加映：

Beautiful Life︳洗衫燙衫1小時＝做運動減肥？ 4個動作告別虎背熊腰

{{hket:ul-video id="5490"}}{{/hket:ul-video}}

該名港爸上周六（26日）在連登討論區以「老婆中咗，8日隔離作戰真係攰」為題發文，透露一個多星期前，太太因不適而自行做快速檢測，「撩鼻有淡淡哋兩條線」，呈陽性結果令全家立即進入作戰狀態，他把年幼女兒交由外傭主力照顧，以保仍是陰性的二人平安，他就與老婆困獸鬥，

「反正（太太確診前）晚晚一齊瞓預咗自己中⋯⋯去買急凍食物，返到嚟騰空一間房，開床，搬阿女去同工人瞓，我同佢（太太）就分開瞓。」

化身「小春子」細心照顧太太

在太太確診居家隔離期間，事主亦要居家檢疫及在家工作，處理公事之同時，視太太為「娘娘」，自己則化身太監「小春子」陪伴在側，每天細心照顧妻子，以及「遙距監察」女兒的健康狀況，

「每日睇住一大一細有冇唔舒服，斟茶遞水侍候娘娘，佢又勁咳，我哋都戴住口罩，每次入完佢間房出嚟都要洗手消毒。基本上姐姐照顧阿女起居，我就照顧娘娘，衫要分開洗、涼要分開沖，唔想惹到姐姐同阿女。」

猶幸太太的病情很快有好轉，病徵漸退，但因居家隔離而感苦悶，事主又變身為「宮女」，每天開會後就陪太太聊天解悶，又會一起看YouTube影片做運動，時間才變得易過，

「結婚咁耐我哋通常都係pillow talk（枕邊細語），好少坐喺度傾。講吓阿女讀書、講吓大家童年，又諗以前啲女人大門都唔出得有咩做。」

至太太確診後第6至7日，其快測結果仍是兩條線，她因為很想外出而「當堂媽媽叉叉」，事主又要在旁安慰。幸而上周中期太太快測終於轉為陰性，完成隔離可以「出關」，他笑言「終於唔使再做小春子」，又慶幸外傭及女兒皆沒染疫，才放下心頭大石。

獲網民盛讚好男人

事主的帖文雖然訴說辛勞，但字裡行間透露對太太無限愛意，引來大批網民稱羨及讚賞，

事主其後回應稱，照顧確診太太屬心甘情願，「我咁嘅款佢都肯嫁，而家算係補數啫。」又透露在太太確診期間「陪足8日」，康復後夫妻二人更恩愛，如膠似漆。至於女兒則最開心，一家人關係變得更親密，

「除咗close（親密），阿女就最爽，雖然同佢講媽媽有病要過幾日先至可以掂佢，佢係未試過連續咁多日（有）幾個大人喺同一間屋度同佢一齊，佢跑來跑去勁開心，周圍搵人講嘢。」

好人好事︳男子搭車妥瑞症發作不停抽搐搖頭 同車乘客1個暖心舉動助緩解症狀，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

精選健康知識，盡在 Healthy Life 健康男女

https://fb.com/HealthyLifeExpress/

撰文：賴天兒