Tyson Yoshi女友被瘋狂評頭品足 做港版韋史密夫：好樣衰？我鍾意

人氣獨立歌手Tyson Yoshi（程浚彥）同KOL女友Christy嘅戀情一向通晒天，男方完全冇「偶包」，經常同女友放閃。近日網民出Post攻擊Christy「樣衰」，更留言話佢係「靚版馬蹄露」，Christy亦有回應「多謝」，態度大方。

同場加映：飛虎3壯志英雄丨蔡思貝認表裡不一軟弱時需要陪伴「事業未成唔會諗結婚生仔」

{{hket:ul-video id="5494"}}{{/hket:ul-video}}

不過佢男友Tyson Yoshi就好嬲喇！日前喺社交平台直播，為女友抱不平，直言︰「佢哋論點係討論區可以討論好多嘢，但保護身邊人都做唔到，點做男人！」Tyson Yoshi爆粗回應事件，又指幸好女友夠堅強，並希望網民唔好再發放負能量。Tyson Yoshi喺直播中表示：「好樣衰？咁點呀，我鍾意呀！出名就要被人『鬧』？人紅是非多另一面係好，我都明，但呢件事上，我係站在男朋友嘅立場！你試吓行行吓街、拖拖吓手，突然有個蒙面人話你好樣衰，之後有一大班唔知喺邊條巷走出來嘅人，叫你企喺度，辯論你個樣好唔好睇……睬你都傻啦，現實生活可以直接走！佢哋論點係討論區可以討論好多嘢，但保護身邊人都做唔到，點做男人！我只係好奇，如果心態唔夠強、企得唔夠硬，走咗點算，有冇人諗過？唔係匿喺網絡背後就唔使負責任，韓國已經發生過好多事例。好彩係嗰個人（受網絡欺凌）心態好、冇出大問題。呢個已經唔係我女朋友一個人嘅事，大家設身處地諗吓！」

{{hket:inline-image name="210115192_259029399356178_5340866329607999427_n.jpg"}}{{/hket:inline-image}}

Tyson Yoshi再「Man爆」於Instagram分享舊作，當中有句歌詞「在你的世界下了一場大雨，再模糊的視線也必須撐下去」，以及「有禍等我背」力撐女友。

唔少網民都為呢對小情侶抱不平，撐佢哋，「無啦啦咁樣人身攻擊，啲人好口臭！」大讚Tyson Yoshi乃真男人典範，留言︰「港版Will Smith」、「多口網民受唔受到佢一拳」、「Will Smith動手，佢淨係動口都夠」，又指佢女友真係好幸福，「有Tyson出到聲幫口已經勝過千言萬語」。

Christy都係公眾人物，IG有5.4萬位追蹤者，除咗分享日常生活，亦會接拍廣告。Christy指喺16、17歲時第一次被攻擊外表，對佢造成極大嘅負面影響，但事隔10年心態成熟咗，已經唔再討厭自己外表，化妝係享受變靚嘅成功感。

圖片來源：Instagram

撰文：黃蘊姿