REBOUND丨Alton隔7個月先覆短訊認衰仔 AK稱入行爆忙感激圈外老友諒解

MIRROR成員江𤒹生（AK）和王智德（Alton）合作推出的《REBOUND》，由歌曲歌詞到MV拍攝，散發出無盡的兄弟感情。出道至今已經3年多時間，他們直言工作忙碌難免會忽略到圈外的朋友，幸好老朋友總是心照不宣，無限量支持他們之餘，閒時一句問候已經足夠窩心溫暖，讓他們帶著這份鼓勵繼續努力發光發熱。

{{hket:ul-video id="5540"}}{{/hket:ul-video}}

《REBOUND》推出數星期，全城都齊齊「啦啦啦」之餘，他們的MV點擊超過250萬報捷，首次合作已經火花十足，他們相當感激粉絲們的支持，希望在疫情期間將正能量送給大家，讓大家可以振奮一下。他們最期待的是能夠跟粉絲面對面有一次的表演演出，「演唱會有傾過吓，我同Alton都有啲想法點樣去呈現呢首歌，希望疫情快啲過，等我哋演唱會之前可以早少少有個預演，就唔使到時咁緊張。」Alton直言好期待觀眾的反應，「我哋已經排好舞，但我哋呢首歌元素好豐富，到底Rap位、跳舞位要點平衡、Dancers要點安排等等，都想試一次之後再落實決定。」

MIRROR丨江𤒹生王智德無私兄弟情感動監製 AK低溫下落水打冷震被Alton笑無鬼用【下一頁】

{{hket:inline-image name="IMG_1390.JPG"}}{{/hket:inline-image}}

{{hket:inline-image name="IMG_1420.JPG"}}{{/hket:inline-image}}

AK先後搵楊樂文（Lokman）和王智德（Alton）合作出歌，獲鏡粉大讚有義氣，令幾位兄弟都有機會出唱，「我係一個鍾意團體活動，一齊做嘢開心過自己一個做嘢，一年有幾首歌，其中有歌可以同兄弟玩吓！原因一樣，好欣賞Alton同Lokman嘅RAP，今次仲試埋Popping元素，合作歌嘅好處係有新火花去傾，今次《REBOUND》見到我新方向之餘，亦見到佢嘅才能同發光。」Alton笑言AK十足大細路一樣，每逢買到新玩具都會來電報喜，他記得AK興奮告知兩人一齊出歌，兩兄弟都興奮不已。至於網友對Alton今次表現讚口不絕，Alton直認非常開心，「首先多謝我自己，慶幸自己呢段時間有落苦功，寫詞方面有潛而默化進步，語言係好難進步得好快，但參與MIRROR嘅團歌RAP詞真係增加咗經驗，亦有好多音樂人畀好多意見我，先至令我喺《REBOUND》有信心去做，我嘅膽色完全來自佢哋嘅信任！多謝大家讚我咬字、唱功進步，我覺得係無止境追求，希望下次有另一個高度畀大家睇！」

AK見證住Alton的進步，就算在錄音室被監製要求改詞，他都5分鐘內完成收貨，實在厲害。問到會否繼續找未出個人單曲的兄弟出歌？AK說：「我仲有啲兄弟心水想合作，同花姐傾緊有達成協議，至於邊個就唔知呢！總知呢個合作我都好期待嘅！」Alton笑言：「我睇遠啲，我想同Bruno Mars、Justin Bieber合作，不過睇吓我得唔得閒先，哈哈哈！講正經就梗係想同Lokman合作啦，由《全民造星》時期開始，好慶幸大家好似好鍾意呢個組合嘅火花，但一直未有機會合作！」

《REBOUND》｜Anson Kong租超跑拍MV拍到唔捨得收工 爆Alton冬天落泳池游水「游熱個人」【下一頁】

《REBOUND》展現出兩位之間的兄弟情，拍MV亦找來很多圈中人仗義幫忙，圈中同樣廣交結友。不過AK和Alton由MIRROR出道開始，人氣增加工作不斷，會否忽略或影響到跟圈外老友的情誼？Alton自爆受訪當日才剛回覆一位老友去年9月的賀生日短訊，令他大感不好意思，但感激對方大方諒解。「客觀事實，時間係少咗，因為工作時間長，多數凌晨先得閒，你冇可能約朋友凌晨出嚟傾兩句。幸好係冇疏遠，佢哋反而好Supportive，以前唱K大家一齊發癲，而家反而喺K房唱我哋嘅歌，仲嚟睇我哋演唱會。我感覺係帶埋朋友一齊入呢個生活，佢哋好諒解亦戥我哋開心。」

{{hket:inline-image name="IMG_1417.JPG"}}{{/hket:inline-image}}

{{hket:inline-image name="240409150_136269462030863_5019033893898083766_n.jpg"}}{{/hket:inline-image}}

{{hket:inline-image name="57066257_333fff.jpg"}}{{/hket:inline-image}}

{{hket:inline-image name="17818772_251826165288968_4171306387160170496_n.jpg"}}{{/hket:inline-image}}

{{hket:inline-image name="271787776fgg.jpg"}}{{/hket:inline-image}}

AK認同雖然跟圈外朋友聯絡一定比入行前少，不過正正是老友們的默默支持，才令他們可以走到現在的這一步，「冇得見都會群組傾吓偈互相send相，距離這麼近那麼遠。」而他認為入行後認識到不少前輩或同輩朋友，給予MIRROR很多意見，令他們慢慢融入，感覺自己是樂壇的一份子，希望可以一齊為香港樂壇努力。

{{hket:inline-image name="IMG_1392.JPG"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉