家族榮耀｜于洋被薛家燕爆常去深圳揼骨沖涼 強調「無企圖」：呢個我老婆知嘅

劇集《家族榮耀》早前播出大結局，日前薛家燕邀請了劇中的馬氏夫婦于洋、陳曼娜（Manna姐）擔任電台節目《開心大派對》的節目嘉賓。兩人大談拍劇趣事，薛家燕姐及Manna姐更大爆于洋「秘密」！

{{hket:inline-image name="453.png"}}{{/hket:inline-image}}

同場加映：飛虎3壯志英雄丨蔡思貝認表裡不一軟弱時需要陪伴 「事業未成唔會諗結婚生仔」

{{hket:ul-video id="5494"}}{{/hket:ul-video}}

訪問中，于洋提到自己在劇中有好多對白，由於拍攝地點在深圳，所以他在隔離期間有時間溫書。他說︰「好多對白要講，所以用咗嗰兩星期溫書。監製徐遇安話『我戥你驚』，佢話睇過裡面有好多對白，叫我快啲去記，嚇得我。好在嗰兩個星期，令我可以慢慢消化，否則應該成日會NG。」

{{hket:inline-image name="7887.png"}}{{/hket:inline-image}}

而家燕姐笑說跟于洋合作多年，發現對方講對白有時會比較含糊，「但今次完全唔同晒！」激讚對方表現，「佢嘅演繹被好多人讚賞，所以我即刻打電話畀佢，讚佢做得好好，啲對白講得好清楚，佢話『係吖，我今次好認真去做功課』！」

{{hket:inline-image name="78.png"}}{{/hket:inline-image}}

提到難忘事，于洋就說拍攝會議室教訓兒子那場戲前，遇到楊茜堯，對方說︰「于大哥，今晚收唔收得早就靠你啦！佢唔知道我『咪』咗好耐書，你知我不嬲好勤力啦……點知真係一take過，佢都呆咗，當堂個個人起身拍手掌，郭政鴻、羅子溢個個都拍手掌！嗰度幾頁紙（劇本），我自己心中有數，好有把握，但我冇出聲啫！」

至於Manna姐就指有一場戲要鬧爆葉彩眉（熊黛琳飾演），但自己衝口而出講咗「葉子楣」，同場的郭政鴻、羅子溢的表情，即時由凝重變成大笑。Manna姐說他們定力不足，經不起考驗，聽到「葉子楣」三個字就失控，「如果係第二個人就唔會咁大反應，一個女神出現，佢哋受唔到引誘，呢啲𡃁仔係咁。于洋幾大方，都唔覺得有乜嘢，見到狄娜都唔會有咩反應。」于洋說，因為年輕時拍戲常常抱起狄娜跳舞，所以已經免疫。

{{hket:inline-image name="0.png"}}{{/hket:inline-image}}

Manna姐又大爆于洋好喜歡到外面吃東西，「佢好識食嘢㗎！」家燕姐亦加入戰團爆料，指聽聞于洋經常去深圳揼骨沖涼，于洋表示 : 「呢個我老婆知嘅，我嗰時喺加拿大都係咁，無所企圖，係正宗揼骨。」

于洋離巢結束無綫30年賓主關係 72歲未言休無懼疫情返內地拍劇【下一頁】

撰文︰林惠珊