大難臨頭各自飛︳父母染疫同住兒驚「中招」欲搬走 被轟自私︰咁忍心由佢哋自生自滅

患難一定見真情？本港第五波新冠肺炎疫情持續，不少長者染疫離世，令人惋惜。一名網民發帖分享，指其友人的哥哥與父母同住，惟當父母相繼確診後，卻沒打算照顧兩老，更因驚被傳染而打算搬走；而令人無奈的是，他更直言如果可以的話會盡快飛去外國，「唔想留喺香港照顧兩老」。對此，該網民形容此舉有如讓父母「自生自滅」，「冇諗過有人可以咁忍心對自己親生父母！」

同場加映：

Beautiful Life︳洗衫燙衫1小時＝做運動減肥？ 4個動作告別虎背熊腰

{{hket:ul-video id="5490"}}{{/hket:ul-video}}

該名網民日前在「香港討論區」以「真係有人咁忍心對自己親生父母...」為題發帖，指其友人結婚後搬出父母家，現時在疫情下，因為有小朋友，「基本上連街都唔敢去」。至於友人的哥哥則一直在外國工作，兩個多月前因要處理私人事而回港，疑因慳錢而不住酒店，暫住父母家。

惟近日友人的爸爸確診，留在家中隔離，其後連媽媽亦告「中招」，而哥哥則因怕被傳染而做「廳長」，「（友人哥哥）叫佢阿爸瞓佢間房，驚佢哋互相傳染畀對方，最後佢阿媽隔幾日都確診，佢阿哥就叫佢阿爸返去同佢阿媽同房瞓。以為佢阿哥會入房消毒之後自己瞓返房，但係佢又冇咁樣做，反而選擇繼續瞓廳。」

直至上周一（21日），友人哥哥「與病毒共存」幾天後突然稱「好驚自己都中招」而想搬走，

「想搬走出去酒店住一排或者睇吓有冇朋友肯借間屋畀佢住，想由得兩老自己喺屋企自生自滅......又話如果可以飛返嘅話，會盡快飛返去外國，唔想留喺香港照顧兩老。」

網民續指，友人有見及此，就問他有沒有朋友於酒店工作，可以讓其哥哥入住，

「但因為佢阿哥都有報自己做密切接觸者，根本唔會有酒店肯畀佢住，加上佢未完隔離令都唔可以出街，我朋友就話咁睇吓有冇人有吉屋可以借畀佢阿哥住一陣先。」

對此，網民感到匪夷所思，認為友人的哥哥十分狠心，

「我真係冇諗過有人可以咁忍心對自己親生父母，父母病咗唔係打算照顧佢哋到好返反而係想由得佢哋自生自滅！同埋都已經一齊住咗成個禮拜，要中一早都中咗啦......而家先搬有用咩？」

此事引來熱議，大部分人認為事主友人的哥哥十分自私、不孝順，「有事鍾無艷，無事夏迎春」；至於該名友人即使已婚搬走，亦有責任要照顧父母。不過，亦有網民認為如果友人父母病情輕微、有能力照顧自己，友人哥哥想搬走避疫亦無可厚非，問題出於其一番說話；同時亦慨嘆為人父母者，不要指望子女會照顧自己：

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

責任編輯：李凱晴