金城武被指雙面人投訴空姐粉絲 黃凱芹曾被屈「要求」唔影相簽名

現年48歲嘅男神金城武一向都非常低調，私生活絕少曝光，近年仲甚少公開露面，2017年與內地女星周冬雨合作電影《喜歡你》後，接拍咗電影《風林火山》，但至今仍未正式上映，去年低調返台拍攝手機遊戲廣告，自此又回歸神隱生活。不過日前就有一名自稱係前空姐嘅網紅分享曾在飛機上遇到金城武的經歷，令金城武再次成為焦點。

同場加映：  飛虎3壯志英雄丨蔡思貝認表裡不一軟弱時需要陪伴 「事業未成唔會諗結婚生仔」

{{hket:ul-video id="5494"}}{{/hket:ul-video}}

前空姐在片中表示自己曾於飛機商務艙工作，當時金城武搭正佢所服務嘅航班，而佢嘅兩位同事係金城武粉絲，見到偶像非常興奮，於是搵對方簽名：「（他）非常客氣地給我同事簽了名，（但）他在下飛機之前，走到乘務長那邊，用日語跟乘務長投訴了我的那兩位同事，說她們在航班上打擾了他的休息。」

{{hket:inline-image name="TUNGSTAR473665_600.jpg"}}{{/hket:inline-image}}

呢位空姐認為既然金城武已經答應簽名，點解仲要事後投訴呢？不過就有不少網民認為兩名空姐利用職務之便，打擾到乘客休息，工作態度不夠專業，冇人鍾意私人時間被打攪，留言：「都唔知中間有冇skip咗啲咩細節。」、「金城武冇做錯，仲想公審人。」

不時都有自稱空中服務員嘅網民大爆自己嘅明星奇遇記，5年前就有一個Facebook專頁「空姐與男空姐」指黃凱芹扮大牌主動要求「唔影相、唔簽名」。不過黃凱芹就唔似金城武咁零反應，而係連續發文十二篇以示自己清白。黃凱芹雖然生於六十年代，但竟然係「鍵盤戰士」人肉起底「空姐與男空姐」，搵出事件可疑之處。事後該專頁刪除帖文，現時該專頁更加消失埋。好彩黃凱芹據理力爭，唔會任人屈咋！