新冠肺炎︳ 公院每更有病人離世殮房無位接 前線醫護心痛病人焦慮抑鬱 「食藥死頂唔敢請假」

本港第五波新冠肺炎持續，公立醫院面臨崩潰，前線醫護人員壓力爆煲。早前網上流傳有醫院病房地面放有疑似病人遺體的屍袋，惟同一病房內亦有其他正在休息的病人共處一室，場面令人心酸。近日有前線醫護指，以上情況只是冰山一角，形容目前整體醫療水平連戰地醫院也不如，不少長者在急症室等候上病房，有時甚至出現低溫症，令人痛心；在最嚴重的時候，甚至每更也有病人死亡，屍體更因為殮房無位放置而放在地上。前線醫護每日目睹這些畫面，部分人甚至會患抑鬱焦慮症，即使私下已服用精神科藥物，惟大部分都不敢請假，怕會影響其他同事。

同場加映：

醫生好味︳蘋果身形肚腩大易積聚脂肪 控制4大高危因素減心臟病風險

{{hket:ul-video id="5460"}}{{/hket:ul-video}}

該名公院前線護士日前投稿至Facebook專頁「公務員secrets」，訴說醫院的內部情況，該名護士表示，目前醫院安排十分混亂，病房有時開放、有時關閉，有時又會變為專門接受新冠患者的病房。走廊外亦擺滿病床，同事們又經常出入確診患者病房，然後又直接到Clean zone（未受感染病房）工作，間接增加普通病房的病人和同事互相感染的機會。醫院方面又不會提供宿舍，而且並非人人都有額外津貼，不少同事都擔心會傳染給家人而選擇租地方暫住，坦言「搵埋都唔夠倒貼」。

該名護士又形容，目前醫療系統水平連戰地醫院也不如，急症室大部分病人都是等了幾天才上病房，「一上嚟就DNR（準備唔急救）」，而不少長者更在急症室等到出現低溫症，

「​​老人家等到人又乾又低溫症，片又冇得換， 一身臭味！但係人哋入急症室之前，係正正常常一個人咁喺老人院或者屋企入嚟㗎囉。」

面對這種情況，護士表示非常痛心，認為醫院管理層管理不善，令急症室爆滿，政府又沒有安排地方疏導急症室病人，問題拖延兩個月，使不少病人「等到死或凍死」。

（↓點擊圖片放大↓）

而在疫情最嚴重的時候，不少人因為失救死亡，遺體更未能安放在適當位置，

「在最嚴重嘅時候，每更都有病人死，然後殮房又冇位接， 啲屍體擺喺病房擺咗兩更都仲未送落去囉， 你估吓隔離病床嘅病人又有咩感受呢？」

面對一班因延遲救治而失救的病人，作為醫護人員更表示極為難受，

「每日certified（證實死亡）幾個至十幾個當成閒事， 屋企人又唔可以見最後一面，仲要包完條屍就堆喺地下，一陣臭味。仲有成個病房、急症室都係床海，做每個procedure（程序）都完全唔知道由邊個病人開始入手，大家都應該見到晒網上傳嘅相，嗰啲只係冰山一角！」

除此之外，不少醫護人員都紛紛出現精神健康問題，有人更試過在上班期間失控爆喊，甚至不敢上班，

「其實我哋好多前線嘅同事唔係有創傷後壓力症， 就有抑鬱焦慮。晚晚都瞓唔到，有時一合埋眼就會見到呢一啲災難性嘅醫院畫面，有同事返返下工突然間失控爆喊， 亦都有啲驚到唔敢返工！當然仲有一啲頂唔順已經辭咗職 ! 」

然而，部分醫護一直「死頂」，即使私下服用精神藥物，但仍然不敢請假，

「仲喺度做嘅同事好多都係死頂緊 ，有啲已經暗啞底不斷食緊精神科藥同埋去睇心理醫生，但係大部分都係唔敢請假，驚影響其他同事，真係情緒病都要照返工！精神壓力大到爆煲，亦都冇任何情緒嘅支援......」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

撰文：潘迦晴