飛虎3壯志英雄丨蔡思貝認表裡不一軟弱時需要陪伴 「事業未成唔會諗結婚生仔」

蔡思貝在劇集《飛虎3壯志英雄》中飾演的「小魚」外表堅強，內心卻十分脆弱；現實生活中，思貝是一名知性的獨立女生，已貴為視后的她，對演藝事業仍充滿鬥心，誓言要闖出一番成就才考慮結婚嫁人，「我冇沒辦法接受自己停落嚟去組織家庭，事業未有成就，我都唔會去結婚生小朋友。」

{{hket:ul-video id="5494"}}{{/hket:ul-video}}

思貝接受訪問前的一晚，「小魚」在《飛虎3》中突然離世，令觀眾無不唏噓。「編劇非常狠，令到觀眾感到晴天霹靂，明明小魚跟阿樂（吳卓羲飾）一吻定情，但冇人估到小魚會突然間走咗，大家都覺得好可惜；故事好淒美，希望啟發大家愛要及時。」思貝指小魚是一名女飛虎，外表硬朗，但其實內心世界很脆弱，害怕受到傷害，「我外表都係畀人感覺好硬淨，但喺『SÏXTERS』六個好姊妹入面，我係最感性嘅，唔熟悉我嘅人覺得我性格好瀟灑，但我內心……好容易就情感氾濫。」

疑違反限聚令？︳陳曉華疫情下為蔡思貝戶外慶生 網民留言斥三人聚會兼唔戴口罩【下一頁】

{{hket:inline-image name="IMG_0135.JPG"}}{{/hket:inline-image}}

{{hket:inline-image name="IMG_0141.JPG"}}{{/hket:inline-image}}

劇中吳卓羲對蔡思貝不離不棄，不惜放下男人的尊嚴，對她展開熱烈追求，思貝直言很欣賞人物這種永不放棄的精神。「但我又冇遇呢類型男仔，唔會有太多花巧嘢，戲劇世界會比較多『大龍鳳』。現實世界即係只係陪伴，無論高高低低都陪伴你，喺你情緒最差、樣貌最醜怪時，一樣陪伴住喺你身邊，呢個人一定值得喺埋一齊，繼續成長。」

緋聞男友胡鴻鈞也經常陪伴左右吧？思貝提起男方即笑不攏嘴，「好朋友囉，哈哈！我同佢歲數差唔多，入行年資又差唔多，都可以話係一齊成長嘅；最初識佢時佢完全冇包袱，我有睇佢當年去台灣拍嘅《嘩鬼上學去》，佢百厭到完全冇顧及自己身分，係好開心、好享受去玩，呢樣嘢我幾欣賞佢！反而近年覺得佢無咁開懷嘞，可能男仔到某個年齡會強迫自己變得穩重？人呢，最困難就係搵平衡，總之需要穩重時穩重，需要玩樂時玩樂，咁就最好喇！」

胡鴻鈞演唱會好友霸頭位睇爆肌 蔡思貝一連兩晚捧場儼如女主人【下一頁】

思貝於2013年參選港姐，踏入娛樂圈至今，無論待人處事或工作態度都成熟不少。「我以前係穿人字拖返工！覺得好Free，冇乜諗事情輕重問題，只係忠於自己。但人唔可以原地踏步，成長過程中要不斷學習，雖然話男仔三十而立，女仔更加要三十而立，因為女仔喺呢個行業嘅壽命比男仔更加脆弱，亦更加殘酷！男仔30歲可能係事業高峰，但女仔唔畀心機就等於冇機會，冇機會！所以女仔喺呢行要比男仔更加努力。」

{{hket:inline-image name="IMG_0130.JPG"}}{{/hket:inline-image}}

{{hket:inline-image name="IMG_0126.JPG"}}{{/hket:inline-image}}

今年31歲的思貝，自小養成獨立性格，也熱愛挑戰自己，前年憑《踩過界II》「癲姐」一角獲得「最佳女主角」獎項的她，對事業仍充滿鬥心，直言就算家人催婚，也改變不了甚麼。「因為我事業太有追求，我冇辦法接受到自己停落嚟去組織家庭，一日我嘅事業未有成就，我都唔會去結婚生小朋友！何況我身邊已經有好多契仔契女，好似陳嘉寶、賴慰玲啲仔女，何雁詩又就快生，我有好多愛可以分畀身邊嘅朋友，咁我又就留番啲愛畀自己，專注喺事業嗰度。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：倪小珊