薛家燕翻出莫文蔚亡父十年前訪問 莫天賜拆解《推背圖》預知世紀肺炎

薛家燕最近喺電台節目《開心大派對》中表示近日留家抗疫，當自己在收拾東西時，突然找到10年前同莫文蔚爸爸、已故著名食評及玄學家莫天賜先生做訪問時嘅筆記。家燕姐驚覺原來當年莫Uncle利用預言書《推背圖》預測新冠肺的出現。

同場加映：梁詠琪與4歲半童星演母女 唔怕囡囡呷醋：佢當係自己朋友

{{hket:ul-video id="5464"}}{{/hket:ul-video}}

莫天賜自幼研集醫、卜、星、相，當中對《推背圖》最為熟悉，更於早年推出《推背圖及著名中臺港澳預言大全》，對於社會大事一一作出預言。《開心大派對》節目上，薛家燕指當佢看見筆記時，頓感不可思議。當年佢訪問莫Uncle時, 對方給予家燕姐手稿影印本，佢就喺訪問時記低重點。

家燕姐特別提到《推背圖》中第45及46卦 ，跟近年的社會情況相似，第45卦中一句「炎運宏開世運同」，指出肺炎會傳遍世界；而第46卦象中亦有一句「黯黯陰霾，殺不用刀」，莫Uncle指出，係嚴寒中有風土塵埃形成病毒傳遍全球，可以殺人於無形，而對抗方法就是戴口罩。

{{hket:inline-image name="704_1242631_495641.jpg"}}{{/hket:inline-image}}

薛家燕補充，後來有朋友叮囑佢買一啲中成藥「看門口」，佢發現當中成分有甘草，而再比對莫天賜手稿，發現當年佢已提過「以甘草煲水」有抗炎作用。根據醫學記載，甘草性平入肺，主要用作止咳、抗炎、止痛之用。另外兩位主持范振鋒、思敏都對此感到十分驚訝！

莫天賜一家同薛家燕好熟絡，其太太莫何敏儀睇住家燕姐長大，佢接受訪問時曾指當年喺荔園十分愛錫薛家燕、張國榮。

莫何敏儀於丈夫離世後，將其功德重整，推出著作修定版，當時莫何敏儀同樣有提到第46卦象︰「佢（莫天賜）解讀到第46卦象，話題敏感，我唔畀佢推出，天機不可洩露。」同時指丈夫過身後才發現其手稿，已經解讀所有卦象，故把著作修定再推出，但當中亦冇寫到該支敏感卦象。現時家燕再提到同一支卦，更添神秘迷離之感。

撰文：黃蘊姿