勿說是推理｜少爺占大眾臉又被指撞樣日本演員 收大量網民「通知」：唔使再Send畀我

富士電視台「月九」劇集《勿說是推理》現正喺日本播出，而香港的「黃Viu煲劇平台」亦有購入版權，讓香港觀眾欣賞。一向被指係「大眾臉」嘅商台DJ少爺占，竟然喺《勿說是推理》一劇中搵到同佢「撞樣」嘅演員，更有不少網民「通知」他，少爺占直言：「太多喇！唔使再Send畀我！」

{{hket:inline-image name="262598964_989344818287727_7353673042218333551_n.jpg"}}{{/hket:inline-image}}

同場加映：丘梓謙演蔥頭圓韓團夢無懼負評 與麥皓兒姊弟戀8年話題不斷

{{hket:ul-video id="5463"}}{{/hket:ul-video}}

45歲嘅少爺占喺IG Story轉發網民DM佢嘅訊息，全部都係講佢同《勿說是推理》某一位演員好似樣！訊息內容有「覺得有啲似你」、「以為你拍日劇」、「睇睇吓好似老爺」、「係咪你嚟」、「我以為係你」等等。少爺占收到大量一樣嘅訊息，令佢亦忍唔住出聲，同網民講：「啱啱講完咋喂，真係唔使再Send畀我。」

{{hket:inline-image name="3.png"}}{{/hket:inline-image}}

呢位同少爺占「撞樣」嘅日本演員名叫永山瑛太，喺《勿說是推理》中飾演「熊田翔 / 犬堂我路」。39歲嘅永山瑛太早喺1999年以雜誌模特兒身分出道，演過不少膾炙人口嘅角色，劇集作品如《交響情人夢》系列、《神七探偵團》系列，到近期參演《離婚活動》一劇再度受關注。

除咗永山瑛太被指同少爺占「撞樣」之外，《勿說是推理》中飾演「久能整」的日本視帝菅田將暉以一頭爆炸捲髮「神還原」漫畫原著造型，同樣引發日本觀眾熱烈討論，香港網民亦驚覺他的「爆炸頭」與新人歌手曾比特（Mike）「撞款」。

Mike笑言自己嘅電話畀人瘋狂轟炸，「好多朋友send相（菅田將暉扮演「久能整」）畀我，所以冇可能留意唔到！我覺得好正、好有親切感，我喺香港搵唔到有呢個髮型嘅人，竟然可以喺日本搵到！第一眼睇到嘅時候都『嘩』咗一聲，估唔到真係幾似我個髮型喎！」

大眾臉丨少爺占被拍到地鐵瞓覺？ 「攰得滯搭車被人影到」【下一頁】

撰文：林惠珊