汪明荃生雞眼求醫驗出「高足弓」 拒用羅家英偏方治療：我唔敢

現年74歲嘅阿姐汪明荃，20歲就報考麗的映聲（亞視前身）第一期電視藝員訓練班，一入行就大受歡迎，紅足半世紀。一向都出名敬業嘅阿姐形象百變，時至今日都不時會以唔同造型示人，甚有巨星風範。不過原來百變嘅背後都有為阿姐帶嚟困擾。

同場加映： 丘梓謙演蔥頭圓韓團夢無懼負評 與麥皓兒姊弟戀8年話題不斷

{{hket:ul-video id="5463"}}{{/hket:ul-video}}

阿姐日前就喺佢個人社交平台post出幾張去睇醫生嘅相，留言：「不知大家可有（生雞眼）的經驗？相信一定有，尤其是女性，由於我哋成日都換唔同嘅鞋、運動球鞋，高踭鞋、圓頭鞋，尖頭鞋⋯⋯影響啲腳趾的發展，有時會變形，亦好有機會會（生雞眼）。這次是因為腳趾公及第二隻腳趾同時有雞眼、兩隻碰在一起好痛，於是我用了（雞眼貼）兩天，兩隻雞眼沒有縮小、反而啲皮仲厚咗硬咗仲痛咗，最後惟有去找（足部治療師），用刀片去『批』雞眼。任慶福醫師仲驗到我係高足弓，要訂製合適的鞋墊去改善兩隻腳能行得更好。」

唔少人都留言祝福阿姐早日康復，更有人提出用「偏方」去治療，網民留言：「我小時候就生過『雞眼』，爸爸用火柴頭刷出的火花，向雞眼位射落去（一點都唔痛）我當時還是小學生，每日1-2次，每次用哂一盒火柴，大約2-3星期，雞眼靜靜地冇咗。」

方法聽落都覺得有啲恐怖，不過阿姐回覆，原來老公羅家英都建議過佢咁做：「家英哥曾經提議我咁做，不過我唔敢，冇做。」唔少人都大讚阿姐有智慧，循正常途徑去治療，火花不能唔可以治雞眼，若灼傷反會增感染風險，大家都記得千祈唔好亂咁試呀！

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】