蘇施黃教煮頻道頂級會員月費$800 網民望plan嗌伏：睇肥媽好過

現年67歲嘅蘇施黃早年由電台節目主持轉型做飲食節目主持，「識飲識食」嘅形象同牙尖嘴利嘅風格深入民心，2020年開設嘅個人YouTube channel「教煮蘇 This is So good」都非常受歡迎。「教煮蘇 This is So good」除咗教煮仲會介紹餐廳，開台至今兩年，已有多達300條片，訂閱人數逾16萬。不過佢就指基於剪片費用高昂而決定「轉玩法」實施收費會員制，唔少網民聞訊都話唔會再睇。

同場加映： 梁詠琪與4歲半童星演母女 唔怕囡囡呷醋：佢當係自己朋友

{{hket:ul-video id="5464"}}{{/hket:ul-video}}

蘇施黃訂咗3種收費會員制，將訂閱網民分為「合桃蘇」、「鳳梨蘇」及「蝴蝶蘇」3個級別。當中最低級別嘅係「合桃蘇」月費$80，冇睇教煮片權限，只可得到蘇施黃頭像所製作嘅emoji sticker，做滿12個月「合桃蘇」可得到禮物一份。第二級別嘅「鳳梨蘇」月費要$400，除咗有「合桃蘇」嘅禮遇之外，仲可以睇教煮片，但就係冇中英文字幕嘅基本版。至於最高級別的「蝴蝶蘇」月費為$800，除咗有片睇同有禮物之外，上片後更會安排所有「蝴蝶蘇」同蘇施黃Zoom Chat 1小時，作即時互動交流。

{{hket:inline-image name="274113490_4785069591614116_8396750630263356592_n.jpg"}}{{/hket:inline-image}}

「蝴蝶蘇」亦可免運費購買由阿蘇推薦嘅有機菜及肉類，蘇施黃發揮佢mean爆本色：「買嘢梗係要畀錢啦！八嚿水唔通養埋你全家咩！」而連續課金六個月的「蝴蝶蘇」更可參加蘇施黃舉辦嘅活動，不過都係要自費，阿蘇表示有可能係行山、食嘢等等。

有網民覺得蘇施黃呢個會員3級月費制「搶錢」，貴得嚟冇「內涵」，完全係賣名氣，又指YouTube上有大量教煮片都係免費，揚言要轉場去睇肥媽。不過都有人力撐，指唔少youtuber都有會員分級收費制，佢嘅做法係明買明賣，市場會決定一切。