河國榮來港35年最愛香港人 面對逆境：一定有明天嘅！

河國榮在1965年於澳洲昆士蘭州東南部的一座城市金皮（Gympie）出世，1987年來港發展，至今已有35年。河國榮口中常常提到「我哋香港」，他的確心繫香港，這個「香港仔」坦言很喜歡這個地方，從來沒有打算離開，他接受《晴報》專訪時表示：「香港係有好多嘢變，建築變、環境變、巴士都變啦，我記得初初嚟香港，巴士係可以開窗，冇冷氣，幾正吖，而家開唔到窗喇，但香港係有一樣嘢唔會變，係香港人，好似喺獅子山下，大家面對嘅困難，大家要堅持落去，我哋香港人好勁㗎嘛，呢啲嘢小事嘅啫，我哋行吓、勤力吓，一路堅持落去，一定解決到嘅，一定有明天嘅！」

同場加映：河國榮來港35年最愛香港人 面對逆境：一定有明天嘅！

{{hket:ul-video id="5501"}}{{/hket:ul-video}}

{{hket:inline-image name="4578.jpeg"}}{{/hket:inline-image}}

{{hket:inline-image name="30.jpg"}}{{/hket:inline-image}}

Gregory Charles Rivers是河國榮的英文名，而中文名的由來，他笑言因為很喜歡張國榮，大學同學就提議他叫「國榮」，由於他姓Rivers，所以叫「河國榮」。他透露與張國榮和譚詠麟很有緣份，他說：「1985年張國榮喺雪梨開演唱會，有張國榮、梅艷芳、草蜢仔、呂方，舉辦機構要搵人做司機，不過冇人工，我朋友通知我，問我有沒有興趣，『Yeah！我要做！』咁我就做咗張國榮嘅司機；1986年譚詠麟亦喺雪梨開演唱會，公司又搵我做司機，我就做咗譚詠麟嘅司機，介紹我嘅時候，『呢個係你司機，河詠麟！』差不多兩年，好多人以為我叫河詠麟。」

河國榮堅拒打針享受最後堂食 網民勸離開香港五字回覆有洋蔥【下一頁】

對於河國榮喜愛廣東歌的原因，他於1984年在澳洲大學讀醫科，大學宿舍住了很多香港留學生，因而首次接觸廣東歌，一聽就愛上。廣東歌有甚麼吸引？他笑說：「各花入各眼，各音樂入各耳仔，當時澳洲好流行Heavy metal，但我鍾意溫和啲嘅音樂，當我聽到廣東歌嘅時候，我覺得非常啱我，80年代啲歌真係好好聽。」後來更決心自學廣東話，他表示廣東話有9個音調，十分難學，還笑言加入無綫後，曾有演員教他講粗口。

飛虎3壯志英雄丨河國榮演反派被何慈茵殺死 喜見外國面孔在熒幕上出現【下一頁】

{{hket:inline-image name="7.jpg"}}{{/hket:inline-image}}

{{hket:inline-image name="32.jpg"}}{{/hket:inline-image}}

1987年，河國榮拿著一張單程機票及5000港元飛來香港，展開他的香港夢，他笑言當時的想法是，就算遇到甚麼困難，都不會放棄，不要返澳洲。決心這麼大？他說：「呢啲係緣份，當時喺大學讀三年幾嘅醫科，除咗讀書之外，我都係同香港朋友一齊，佢哋有香港學生會，每年都會搞運動會、游泳比賽、踢波、扒龍舟、舞會、唱歌比賽，我會去幫手，變咗我大學讀書以外嘅生活，都係同香港有關。第三年考試『肥佬』咗，跟住就重讀，重讀嘅時候就係遇到張國榮同譚詠麟，加上我啲香港朋友，我就決定唔讀醫，我要去香港發展。」提到家人對他來港發展的決定，有甚麼反應？他說：「佢哋冇乜出聲，冇反對，冇同意，直到前幾年我獲獎，之後我返咗澳洲，父母先至同我講，其實佢哋當時好擔心，只不過個仔大咗喇，自己決定自己嘅嘢。」

河國榮76歲爸爸患柏金遜 克服身體困難從沒放棄生命【下一頁】

來到香港第二年，朋友通知他無綫需要找「鬼佬」演員，於是他抱住一試心態去面試，他笑說：「當時無綫要拍《大茶園》，有兩個鬼佬角色，一個係關朝聰演，另一個就要搵人做，朋友叫我試吓，於是去咗見珍姐（無綫高層曾勵珍），佢畀咗英文劇本我，叫我做畀佢睇，我當時非常緊張，唔出聲幾分鐘，我同自己講唔試唔會知，呢段嘢係講警察上司好大聲咁鬧人，我咪好大聲讀出嚟，點知嚇親珍姐，不過佢好無奈咁搵我去做，因為搵唔到第二個演，所以我就拍咗《大茶園》同《太平天國》。」

【御用Mr. Robinson】河國榮有個29歲高才生女？百病纏身＋財困愛港鬼佬積極面對【下一頁】

{{hket:inline-image name="70.jpg"}}{{/hket:inline-image}}

{{hket:inline-image name="21.jpg"}}{{/hket:inline-image}}

正式跟無綫簽約，足足拍了20年，2008年1月約滿離開，多年來，他演過傳教士、警司、領事、法官等等，原來他曾因角色範疇狹窄而感到不開心，他說：「鬼佬都有佢嘅生活㗎嘛，如果編劇有心的話，可以將一個鬼佬普通角色寫埋落去，不過冇人咁做，但我就加啲感覺、語氣落去，變咗表達方式唔同咗，20年喺TVB，我自己都有要求，就算做100次警察，我都希望每一次係唔同嘅，演反派有好處，一開始大家未必知道係衰人，所以會有個變化，呢啲角色反而有得發揮。」

「河國榮教路 自駕遊昆士蘭 Easy Go」【下一頁】

{{hket:inline-image name="18.jpg"}}{{/hket:inline-image}}

{{hket:inline-image name="17.jpg"}}{{/hket:inline-image}}

去年開始，河國榮在新聞上，發現食物短缺問題，於是他在家中開始嘗試種菜，買了80包種子，有生菜、番茄、青瓜、荷蘭豆、扁豆、哈密瓜、南瓜、薯仔等，他說：「之前開始做功課，搵到一個有機農夫，佢種嘢都種咗30幾年，佢有晒片，我咪一路學佢，所以早一個月嘅時候，我就開始起我嘅菜園，跟住要溝泥，溝咗五日，因為就咁買返嚟嗰啲泥會有化學物，上兩個星期開始落種子。以前啲農夫睇天氣睇得好準，前兩個星期我發現有好多蝴蝶，呢個可能係一個訊號。依家落咗一部份嘅種子，要兩、三個星期先至會生出嚟，所以而家非常緊張，唔知會唔會成功。」

河國榮為圓夢蝕住開騷【下一頁】

{{hket:inline-image name="19.jpg"}}{{/hket:inline-image}}

{{hket:inline-image name="20.jpg"}}{{/hket:inline-image}}

河國榮數年前開始有胃酸倒流問題，影響了唱歌的水準，他表示：「可能我食得太飽，食麵包睇電視，一路食食食，喺胃裏面脹住，脹住就會將入面啲嘢迫返上嚟，胃箍鬆咗，胃酸湧上嚟，最危險係夜晚瞓覺，因為瞓覺係打平咗個人，胃酸上到嚟就會浸住你條聲帶，咁樣會好傷，4月嘅時候唱歌好好聽，5月把聲就沙晒，又穩定唔到一個音，就係胃酸倒流。」問到解決方法？他表示不要吃得太飽，而且他的睡床的床頭升高了7吋，他說：「有時都可能會食胃酸藥，不過我盡量唔食，因為呢兩年我對西醫唔係咁有信心，所以如果有咩事，我會搵草藥，或者搵中醫，盡量唔會食西藥，所以依家我自己種嘢，都會睇吓有啲咩草藥可以自己種。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】