41歲劉鳴煒離婚12年低調再封盤 疑與拍拖3年「轉軚港女」修成正果

富商「大劉」劉鑾雄長子、現年41歲嘅華人置業董事會主席劉鳴煒，今日喺Facebook同Instagram上載一張男女相擁照片，留言日期「05/03/2022」，現場玻璃窗貼上「囍」字，相信係進行簽字結婚儀式，劉鳴煒「封盤」再婚。

同場加映：丘梓謙演蔥頭圓韓團夢無懼負評 與麥皓兒姊弟戀8年話題不斷

{{hket:ul-video id="5463"}}{{/hket:ul-video}}

相中疑似係劉鳴煒嘅男子身穿西裝，女方則身穿白裙套裝，手上拎住花球，兩人背後的室內玻璃及門上都貼上「囍」字，旁邊有一名女士拍掌，疑為證婚律師。

劉鳴煒前年爆出撻着細自己十年嘅新歡，女方正正係6年前喺港台節目《我係乜乜乜》見到「Package劉」雙眼發光嘅港女Joyce（簡雪忻），據知Joyce喺2019年已搬到劉鳴煒嘅豪宅共賦同居。

2016年，Joyce喺港台節目《我係乜乜乜》邂逅「Package劉」，當時佢喺鏡頭前向劉鳴煒瘋狂放電。節目中港女Joyce原本係「盲揀」另一男神游學修，不過兩位男士現身之後Joyce同其他多位港女就轉軚揀劉鳴煒。

{{hket:inline-image name="122076569_1214883138877104_5496973132355609349_n.jpg"}}{{/hket:inline-image}}

Joyce聲稱自己揀男神係睇樣，大讚劉鳴煒「雙眼好靚」，係心目中嘅男神，非常積極進取，劉鳴煒都被一眾港女讚到沾沾自喜！不過當時劉鳴煒跟金融之花奚倩雯（Estella）打得火熱，之後佢又戀上氣質主播Keina。

Joyce同「Package劉」一直都愛得低調，2019年一齊去旅行各自曬單人照同風景照，但被揭戀情後女方嘅社交平台帳戶已變成private。

劉鳴煒鍾情有學識女子，前妻Wendy同佢係英國大學同學，舊愛金融之花奚倩雯係港大經濟系畢業生，另一舊愛Keina則係香港大學畢業；現任嘅Joyce則係何超蓮校友，於倫敦大學（University of London）修讀經濟同金融，之後留港創業同拍檔一齊創辦共享私家車生意。

含住金鎖匙出世嘅城中筍盤劉鳴煒，2003年承繼媽咪寶詠琴大約4億遺產，加上近年當了華置主席，持股近25%，估計身家達3百億。劉鳴煒同父親劉鑾雄（大劉）一樣情史豐富，但生活上嘅奢華作風就大不同。劉鳴煒曾經喺訪問中透露，自細都唔喜歡去父親嘅御用飯堂，出入亦唔會有保鏢跟身，衣着打扮樸實，甚至第一任妻子Wendy喺2008年生龍鳳胎，都係喺公立醫院分娩。之後離婚唔夠半年，劉鳴煒已有新歡，2012年女友未婚產子，可惜未能母憑子貴，同樣分手收場。

撰文：黃蘊姿