泰版朱智賢Tangmo「浸死」疑點重重 疑反抗潛規則出事母親攞錢收聲

37歲泰國女藝人Tangmo（妮達·帕查娜維拉潘 Nida Patcharaweeraphong，又名西瓜）命途多舛，自小父母離異，又先後經歷車禍、毀容、婚變、自殺不遂，又為父親醫病而債台高築，喪父後……以上一切都冇將佢擊倒，反而令佢更堅毅，泰國fans都稱佢為「9條命嘅貓」，可惜早前Tangmo「用盡」9條命，死於非命。

同場加映：梁詠琪與4歲半童星演母女 唔怕囡囡呷醋：佢當係自己朋友

{{hket:ul-video id="5464"}}{{/hket:ul-video}}

上月24日，Tangmo與經紀人和一群朋友在湄南河乘坐遊艇時，意外墮海，搜尋2日後只係搵到冰冷屍體，震撼當地演藝圈。同行眾人供詞反覆，比較明確嘅說法係Tangmo當晚因為於遊艇上內急，而船上廁所因為堆滿雜物，Tangmo就到船尾小便而意外跌落水。事後同行其中4人身分曝光︰3人係當地富豪，據悉分別係名牌連鎖店老闆、科技公司CEO以及旅遊業巨頭；另外仲有1位名媛。

{{hket:inline-image name="273874443_171558541868253_6255742927097270220_n.jpg"}}{{/hket:inline-image}}

意外過程疑點重重，同行「朋友」行為古怪，引起大眾懷疑，案情唔係咁簡單。首先係經理人Kratik，Kratik同Tangmo情同姊妹，但佢喺Tangmo發生意外次後不但冇立即通知Tangmo媽媽，反而係駕駛Tangmo嘅跑車返到去女方家中大覺瞓。Kratik解釋因為佢覺得Tangmo會自己返屋企，而佢同Tangmo媽媽未熟絡到可以互通電話，對方亦唔係潛水員，所以先冇通知佢；Tangmo媽媽又質疑Kratik冇即時落水救人，Kratik表示自己唔識游水，但事後立即被網民翻出佢同囡囡游水嘅片段，令人咋舌。

Kratik又提供一張同Tangmo嘅合照，上面有合照時間，不過就被網民質疑相片造假。而Tangmo嘅社交平台喺意外後有幾則post消失咗，唯一有佢密碼嘅Kratik聲稱自己唔記得對方密碼。

同行眾人喺當晚遊艇意外發生，報案之後凌晨1點就離開警署，警方表示翌晨會邀眾人再落口供，不過第二日佢哋齊齊失蹤，到警方表示要出拘捕令時，佢哋先再出現，亦已經各自搵咗律師陪同協助調查。

驗屍官指出Tangmo屍體肺部有沙，大髀內側有一個前臂長度深至見骨嘅傷口，手上有被咬痕跡，頭部都有多處受傷。Tangmo母親一度懷疑案情不單純，或同「娛樂圈潛規則」有關，3位富豪曝光後不停向Tangmo母親打電話致歉，表示會好似親生仔一樣對待佢且提出賠償3,000萬泰銖（700萬港幣）。Tangmo母親之後表示阿女即使再打拼30年，賺嘅錢大概都係呢筆數目，已經應允唔再追究。

Tangmo母親此舉成為眾矢之的，又有唔少泰國藝人喺社交平台上出Post，上載同媽媽嘅合照，暗指媽媽唔會為咗錢「出賣」自己；至於Tangmo媽媽一於少理，表示自己日日都唱歌，如果有報應都係報去Kratik身上先。

{{hket:inline-image name="142899fa49d6476893cdf4be7cff1f19.jpg"}}{{/hket:inline-image}}

Tangmo身兼女演員、模特兒、歌手多職，最為中港台熟悉係喺愛情劇《吹落的樹葉》（2019年）中飾演Rungrong郎蓉，女主角（平采娜·樂維瑟派布恩）嘅姑姑，飾演壞女人入木三分嘅佢得到唔少觀眾喜愛，係佢演藝生涯中嘅小陽春。

撰文：黃蘊姿