Stephen．傾丨強尼自爆一夠秤就睇《玉蒲團》「我讀男校18歲仲係處男」

現年48歲的強尼（許博文）入行18年，讀工程出身的他拍劇、主持、唱歌瓣瓣掂，被網民封為「全尼」，他昨晚接受陳志雲《Stephen．傾》訪問。對於強尼這個別名的由來，他覺得叫「阿文」有點簡單，於是想到劉青雲在電影《絕世好Bra》Johnny、強尼一角，於是就起用強尼這個名字。

同場加映：ERROR嫌新歌點擊率未達標 笑斥MIRROR出歌出得太密

{{hket:ul-video id="5428"}}{{/hket:ul-video}}

{{hket:inline-image name="10.jpg"}}{{/hket:inline-image}}

{{hket:inline-image name="12.jpg"}}{{/hket:inline-image}}

強尼曾在張敬軒節目《軒公敲碗》中，自封為「三級片字典」，陳志雲問他為甚麼喜歡看色情三級片？強尼說：「8、90年代，確實係三級片非常蓬勃嘅年代，記得有次同中七同學，啱啱夠18歲，我哋喺自修室溫溫吓書，我同學大我一年，我同佢講『悶悶地，不如睇齣三級片！』，佢話咁大膽，跟住我哋換咗校服嘅上衫，跟住去咗土瓜灣珠江戲院睇《玉蒲團》，第一次睇，心情係『我大個仔』。」

全民造星III｜ 強尼主持感性理性兼備網友勁愛 棄做工程師入行成ViuTV全能藝人【下一頁】

強尼坦言當時的確缺乏性知識，陳志雲問他是否如18歲的姜濤一樣是處男？強尼尷尬笑說：「中學係，中學係，哎呀！死喇！第一次講添，因為我讀男校。」再問他當時的心情？強尼續說：「刺激㗎，行入戲院嗰吓流汗㗎，始終考緊A Level，放低本書過嚟睇《玉蒲團》喎，嗰個內心交接...（陳：好唔好睇？）好好睇，幕幕精彩，徐錦江又飛天，咁神奇；睇咗咁多套三級片，最好睇都係《玉蒲團》，因為係我青春嘅烙印喎！」兒子今年10歲，多大，才讓他看三級片？強尼說：「其實佢而家睇緊YouTube，個世界都唔同咗，佢部電腦擺喺廳，我哋都知佢睇緊乜。」

Collar記者會丨強尼老貓燒鬚記招忽略So Ching 開直播耍冧化解「公關危機」【下一頁】

{{hket:inline-image name="52.jpg"}}{{/hket:inline-image}}

{{hket:inline-image name="70357315_399229123999171_3498663694840560558_n.jpg"}}{{/hket:inline-image}}

強尼曾在有線電視球彩台做過主持、奧運節目主持、足球台評述員、主持《空間大改造》等等，及後因高層變動，而令他的工作量大減影響收入，決定約滿後不再續約。未幾，獲監製韋家華邀請加盟ViuTV，「佢以前係有線監製，之後佢去咗ViuTV，佢叫我喺節目《對不起 標籤你》，喬裝出去做社會實驗，試吓囉，一步一步行，後來做到劇集男配角真係好開心。」強尼坦言主持《全民造星》系列是令他最有滿足感，他說：「令我得到認同，令到觀眾認識我，能夠成為節目的一分子，我覺得好自豪好光榮。」

全民造星IV丨梁祖堯發千字文指衷心受教 獲強尼力撐無條件地信任【下一頁】

陳志雲問他覺得《造星》哪一季最好睇？強尼想了一會兒，「我鍾意1同4，做決賽Live，我冇諗過行到出台係咁，我以為係K-pop演唱會，全部燈牌，800人嗌到，我啲雞皮起晒，原來件事係咁㗎，直至第4季，冇諗過咁好睇，台前幕後真係做咗一個好睇嘅騷畀人睇。」在男參加者和女參加者當中，最喜歡哪一個？他表示最喜歡Anson Kong（江𤒹生），大讚他很珍惜人與人之間的關係，他續說：「女仔難啲溝通，我好鍾意Winka（陳泳伽），我覺得佢好樂觀，佢好願意同你share佢嘅諗法。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】