新冠肺炎︳姐夫染疫父2日後確診 孕姐嫌父播毒設法送入隔離營 港女怒轟：又唔搬返自己新屋住

第五波新冠肺炎疫情肆虐全港，居住環境擠迫更增加染疫風險，令家人間互相傳播機會上升。一名女網民日前在網上發帖訴苦，表示姐姐與姐夫因家居裝修而搬返娘家同住，惟裝修完畢卻以懷孕為由拒絕搬走，兩夫婦個人衛生亦一般。本周初姐夫與父親先後確診，姐姐卻認為是父親播毒以致丈夫感染，著父親盡快上報以入住隔離設施，並設法加快進度；另一邊廂卻厚此薄彼，未有「趕走」丈夫，更希望家人幫忙照顧。對此，作為妹妹的女事主相當不忿：「到底當屋企人係咩？」

同場加映：

Healthy Life丨經常寒背體態不佳 瑜伽老師教3組動作改善+美胸

{{hket:ul-video id="5423"}}{{/hket:ul-video}}

一名女網民日前在「香港討論區」發文，表示其姐與姐夫本來在外居住，因單位裝修而搬回家暫住，怎料單位裝修完畢後，卻以「而家大住個肚唔想搬嚟搬去咁麻煩」為由繼續同住。她指自己與姐姐皆在家工作（Work From Home），平日已難忍其脾氣，只因對方懷孕而忍氣吞聲；其父及姐夫皆要出外上班，其母則每兩日出外買餸一次，其餘時間都留家。

事主透露，父親擔心自己外出工作有較高染疫風險，故每日都會做快速檢測，回家吃飯亦會坐到一旁，其餘時間均戴上口罩，以免不慎中招傳染家人。相反，姐夫平日打噴嚏既不會掩蓋口鼻、亦不願用公筷。

姐夫父親先後確診  姐反嫌父播毒

直至周日（13日），父親開始感到鼻子不適，遂留在工作車上睡覺，但快速檢測結果陰性，亦沒再接觸家人。而姐夫周一（14日）因喉嚨痛而做快速檢測，結果呈陽性，翌日（15日）父親再做快速檢測亦呈陽性，事主姐姐遂炮轟是父親播毒，

「家姐就話肯定係爸爸傳染畀佢老公，搞到佢老公中招，但係爸爸早兩日做快測都冇事，同埋日日戴口罩冇乜點接觸到姐夫。」

欲致電消防加速送父隔離

事主續指，姐姐得知父親確診後，隨即著他向衞生署呈報，以盡快入住隔離設施。父親亦自覺入住隔離設施休養是好事，以免由家人照顧，增加大家染疫風險。怎料姐姐竟引述友人消息，稱確診者上報後「冇咁快會收到電話」，故欲直接致電消防處熱線，以盡快接走父親，送往隔離設施，令事主深感憤怒，

「其實爸爸由頭到尾都冇打算返屋企養病，亦覺得自己要入隔離設施，但係家姐就急不及待想送爸爸入去，驚死（爸爸）留喺屋企樓下停車場都會傳染佢，但係自己老公日日瞓喺佢隔籬就唔打算送埋個老公入去，仲想叫我同媽咪幫佢照顧老公，又係用佢大住個肚做藉口！」

事主續指，既然姐姐認為這個家的染疫風險很高，大可搬回自己單位與丈夫同住，而非出事後嫌棄家人帶來麻煩，同時不想清楚自己的責任，

「到底當屋企人係乜嘢？今次呢件事我真係好想趕佢兩公婆走，以後冇咩都唔好再返嚟！」

帖文在討論區引來迴響，不少網民都認為事主姐姐為人自私，不為家人設想；但亦有人認為是父母過份縱容的後果：

新冠肺炎︳一家5口連環確診半歲B仔發燒 港媽分享自救4招20日全家康復，詳情即睇：【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

精選健康知識，盡在 Healthy Life 健康男女

https://fb.com/HealthyLifeExpress/

撰文：賴天兒