又要睇又要鬧︳Coffee囝囝莫名其妙被踩「唔得意」 心靈強大回應：Unfollow我啦

林芊妤（Coffee）自囝囝翟德彥（翟伯伯）出世後，就為佢建立咗個人IG帳戶，分享日常生活點滴。肥嘟嘟的身形加上「老積」又表情多多的樣子，令翟伯伯人氣爆燈，兩年間吸納了17.2萬的IG追蹤者。

{{hket:inline-image name="Gr2LJOz47GvCCAVoULuM33_euF0f5hzZEvmG0RL5htE.jpg"}}{{/hket:inline-image}}

不過Coffee喺伯伯2歲嘅時候已經關閉咗佢嘅IG，幸好Coffee都會喺自己嘅IG分享伯伯日常，唔經唔覺伯伯已經就快3歲半喇，雖然冇咁圓碌碌，但行為依然勁可愛，唔少Fans仲講笑話想睇伯伯多過佢本人添！不過Coffee嘅無私分享竟然引嚟一位網民嘅不滿，佢私訊Coffee踩伯伯唔可愛，搞到Coffee非常認真回覆佢呀！

同場加映︰《東張西望》正義女神丨利穎怡背負家人反對追逐演員夢 驚住採訪︰我哋嘅幫忙微不足道

{{hket:ul-video id="5424"}}{{/hket:ul-video}}

呢位網民回覆Coffee一個關於伯伯嘅IG Story：「其實真係唔覺得你個仔得意，你成日自戀你個仔，可唔可以唔好再放上網。其實你啲行為好Cheap不過我無聊先會撳你啲嘢睇吓，但開始好頂唔順喇。」Coffee一早就練成強大心靈，好冷靜咁回覆佢：「其實我真係冇強迫你睇我嘅嘢，同埋我真係覺得我個仔好得意，我真係好鍾意我個仔，所以我嘅IG都充滿着佢嘅足跡，我從來都冇要求人鍾意佢，呢個係我嘅IG，我鍾意擺咩就擺咩，呢個世界有咁多人有咁多唔同嘅意見，我都要聽，咁我咪好唔得閒？同埋你覺得我Cheap嘅話，你仲Follow我你咪仲Cheap？乖啦，Unfollow我啦。我其實都唔係好想要你呢種Follower，Bye...」

最後Coffee仲同大家講，人生好苦短，唔好因為無聊事浪費時間。唔少網民睇到都戥佢嬲，好多人留言表示自己好喜歡伯伯，每次都帶畀佢哋好多歡樂；甚至本身唔鍾意小朋友嘅網民，都對小朋友改觀！佢哋鼓勵Coffee，支持佢做自己鍾意做嘅事，叫佢唔使理太多「無謂」意見。

圖片來源：Instagram