梁敏巧疑被跟蹤猥褻射小腿爆喊 《東張西望》裝束出位獲封性感女神

落選港姐梁敏巧（Maggie）上年開始被安排做《東張西望》外景主持，佢嘅採訪技巧就冇咩人留意到，因為所有Focus都落晒喺佢嘅出位衣着度。Maggie採訪時不時都大晒事業線，又會着緊身衫大騷曲線，網民封佢為新「東張性感女神」，挑戰利穎怡地位。

同場加映： 《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

《東張西望》女主持出名大無畏，不過今日（16日）Maggie深夜下班時份，竟遇上一件嚇到佢喊嘅事，事後Maggie喺IG限時動態分享：「凌晨1點幾2點放工，夜晚行返屋企樓下，行樓梯個陣無啦啦Feel到右小腿比（畀）嘢射一射然後濕咗。個心離一離睇吓我係咪踩水氹中雀屎，但又無喎。」原來Maggie當時正被一名男子尾隨，佢話自己發現嘅時候，個男人即刻跑走：「當刻覺得好嘔心到忍唔住流咗眼淚，即刻搵紙巾抹。」

{{hket:inline-image name="271668989_327259509294017_1414564995838291955_n.jpg"}}{{/hket:inline-image}}

Maggie事後接受訪問透露自己曾遇變態佬偷拍，後悔當時冇報警處理；今次佢就打算報警，話唔可以畀呢啲人無法無天。佢又表示自己而家夜返會好驚同有陰影，自己一個會小心打醒十二分精神，真係太夜會搵人接，之後都會帶定防狼器同防狼噴霧。

{{hket:inline-image name="275815746_134225429144676_4326574303193119848_n.jpg"}}{{/hket:inline-image}}

唔少網民都諗到之前吳幸美去到將軍澳厚德邨外追擊自瀆阿叔。自瀆阿叔幾乎隔日就喺邨內一間幼稚園門外長椅上當眾自瀆，嚇怕邨內的家長、清潔工人以及幼稚園老師同小朋友。吳幸美未有懼色上前採訪阿叔：「頭先見到你做啲不雅動作」、「你知唔知犯法」、「你知唔知會嚇親佢哋（小朋友）」 事後發現對方有精神問題。東張幾乎個個女主持都膽生毛，睇嚟Maggie要跟上前輩步伐，就要勇敢啲喇！

Maggie兩年前落選港姐後，隨即與無綫簽下經理人約，先被安排主持兒童節目《Think Big天地》，上年再轉往參與《東張西望》外景主持工作。Maggie第一次「嶄露頭角」就係採訪巴士公司最新嘅豪華路線，訪問一眾巴士迷兼親身體驗新路線，當日佢身穿一件白色中空裝上陣，展現出超長4吋事業線成功出位。

Maggie曾更試過因VO咬字唔夠清晰而被監製照肺，之後佢就每日朗讀報紙練咬字錄音，之後再詢問幕後同事專業意見，幸好工作人員亦會細心指導，Maggie嘅發音問題已有明顯進步。