鄭伊健赴台為《華燈》製作公司拍攝 古惑仔中「異類」未見北上搵人仔

現年54歲的鄭伊健憑演出《古惑仔》系列電影中陳浩南紅遍中港台，而佢喺《烈火戰車2極速傳說》中飾演嘅Sky同《風雲》系列中嘅聶風都係超級經典，可以話係演邊套紅邊套。近年大減產嘅佢對上一次拍戲已經係2020年，「餓」咗fans咁耐，尋日終於傳來佢拍攝新作嘅好消息。

同場加映：《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

伊健近年都冇參演綜藝節目亦絕少出席公開活動，日前佢現身台北東區百貨公司超市行街，採購日用品。正當大家都好奇佢係咪移民去台灣時，《華燈初上》嘅製作公司百聿數碼證實伊健即將喺3月中入劇組，製作公司表示：「為了呈現最好的品質，請大家留給藝人隱私空間，讓藝人順利把工作完成。」翻查資料，伊健對上一次拍劇已經係15年前，實在令人非常期待！

{{hket:inline-image name="2.png"}}{{/hket:inline-image}}

不愁生活嘅伊健係「古惑仔」中嘅「異類」，其他古惑仔，謝天華、陳小春同埋林曉峰都北上搵食撈到風生水起，相信如果伊健食住「古惑仔」水，去到內地一定大受歡迎，搵幾多都有。曾有報道指保守估計佢身家高達1.6億港幣，且擁有寓所淺水灣雅景閣、黃埔花園、西貢村屋及匡湖居獨立屋等多個物業，被封為「隱世樓王」。

但錢又點會有人嫌多呢？所以伊健「佛系接Job」嘅態度都被網民封為「古惑仔清泉」，留言：「偶像真係好瀟灑，有態度。」、「其他古惑仔做晒大灣仔……」。又有網民話好想知佢會用咩語言演出，事關伊健嘅國語係去到古天樂賣「卵呔」時期嘅級數：「會唔會用番廣東話拍？」、「如果講國語又唔係為咗搞笑，一定要後期配音……」