香港地震｜強尼在錦上路感受到強烈震動 張敬軒順便Sell歌：餘震喺我度

廣東惠州市惠東縣海域今日（14日）凌晨2時28分發生4.1級地震，而香港大批網民在社交平台指感受到震動。不少藝人都在IG出Post表示Feel到地震，當中強尼和KB（李健宏）更立即在IG開Live。

{{hket:inline-image name="269880239_674028730646745_3702557693450212452_n.jpg"}}{{/hket:inline-image}}

同場加映：《東張西望》正義女神丨利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

地震發生之後，KB開Live，期間強尼入去一齊傾，表示自己在錦上路feel到強烈震動，又指：「當時我睇緊《CHILL CLUB》，我仲以為《CHILL CLUB》啲音響咁勁，但諗諗吓，係咪有鬼呢？我好奇，我Feel到力度都唔細。」

鄭秀文上載自己表情驚訝的影片說：「嘩！Feel到地震，差不多响凌晨2:30，有郁動兩三吓，你哋有冇Feel到？#地震#我以為Feel錯」。不少網民指有同感，彭秀慧力證不是幻覺。

至於剛剛康復的C AllStar成員On仔（陳健安）上載咗一張一臉疑惑相片，以為感受到震動是Omicron後遺症，留言：「我Feel到，你Feel到？以為係確診後遺症，大腦搖晃。」

張敬軒亦在家中感受到震動，「半夜地震震到呆一呆揮手區。 #對面屋企隻狗仔喪叫到而家 #我啱啱諗肚餓食乜嘅時候佢就震 #震到我諗到個答案 #之後揀咗包福字米粉 #齋粉 #費事開爐煎蛋 #呢啲時候個電話應該怪叫但係又唔叫 #應該唔會有餘震 #因為餘震喺我度」。他同網友玩IQ題，順便Sell自己的歌《餘震》：「IQ題 ：如果有餘震應該點處理？答案：要搵嘢浸住。 #因為餘震是浸沒痛苦中一絲興奮」。

{{hket:inline-image name="893.png"}}{{/hket:inline-image}}

而黃建東亦在IG問網民有沒有感受到地震：「有冇人啱啱Feel到地震？我以為有鬼搖我張床，嚇得我吖。直至原來全個香港都Feel到。震一震，全個香港半夜三更都醒Q晒。」

撰文︰林惠珊