方媛揼本保養愛分享扮靚日常 被指無聊的富婆：我每天都很充實

天王嫂方媛（Moka）自從嫁給郭富城之後就做幸福少奶奶，見佢日常除咗家庭生活就係分享扮靚靚嘅資訊，完全係闊太日常。方媛早前post出用app「咪嘴」唱歌嘅自拍片段，竟然被網民話佢係「無聊的富婆」，令到佢忍唔住反駁！

同場加映：《東張西望》正義女神︳利穎怡背負家人反對追逐演員夢 驚住採訪：我哋嘅幫忙微不足道

{{hket:ul-video id="5424"}}{{/hket:ul-video}}

{{hket:inline-image name="005yrRy7gy1h02u9zqwiwj30gw0ne0ud.jpg"}}{{/hket:inline-image}}

方媛過得富唔富貴，真係睇佢用咩護膚就知道，佢曾經post出自己用嘅護膚品，留言：「好物分享，我家裏的那些變美小儀器。」相中所見當中有貴婦品牌3LAB，單單是一支防曬霜已經售價超過三千港元，當中一部韓國Hit爆嘅美容儀被譽為「美容界終極神器」，可用作光子嫩膚，可以改善膚質、淡化細紋、色斑等，售價近兩萬港元，其他眼部、清潔毛孔、提拉緊緻皮膚、射頻美容儀器不計其數，非常捨得使錢！唔知城城係咪同老婆一齊用先至Keep到咁靚仔呢？

方媛分享扮靚心得自得其樂，早前佢又post一條自己「咪嘴」唱歌嘅短片，配上文字：「我的黑長直，最近把黑頭髮養厚了一點點。」不過就有網民「有意見」，留言攻擊：「無聊的富婆生活」，方媛霸氣反擊：「可是我不是富婆，然後我每天很充實也沒有時間無聊」。係咪真係富就人人 定義唔同，但婚後全心全意照顧兩個寶貝女相信都唔會真係好多時間，呢位網民都太睇少全職媽媽嘅忙碌程度！另有網友指佢感覺睇落過得唔開心，方媛亦回覆道：「你都說了那是你感覺了。」講真，小編都想試下過方媛咁「唔開心」嘅生活呀！

圖片來源：微博