生命值硬接︳張栢芝時裝店疫下停業員工出足糧 莊思明楊明月蝕百萬無奈裁員

確診新冠肺炎人數持續增加，政府限制措施不斷加辣，各行各業受到嚴重影響。唔少做生意嘅藝人都苦不堪言，各出奇招去應付睇見都一殼眼淚嘅赤字，當中張栢芝以不變應萬變，照交租同出足糧畀員工，每個月硬食6位數字虧蝕，唔少人都大讚佢係好老闆！

同場加映︰《Mr. Stranger》｜Anson Lo曾壓力爆煲 憂達不到外界期望 喜見MIRROR 12子各有發展路向

{{hket:ul-video id="5381"}}{{/hket:ul-video}}

栢芝於中環開設嘅時裝店日前受到疫情影響，暫停營業直至另行通知，但網站服務照常。栢芝有鑑疫情嚴重，為咗員工安全決定停業，直到尋日先重開。栢芝都好體恤員工，就算冇開工都依然會照支全薪，非常有人情味，好老細之名當之無愧。

{{hket:inline-image name="160072535_487862425706496_1294088462027897671_n.jpg"}}{{/hket:inline-image}}

栢芝的時裝店已不是第一次因疫情關係而暫時停業，在2020年1月，疫情嚴峻時，亦暫停營業超過一個月，當時佢亦一樣無減薪兼交足舖租，每個月虧損接近6位數。雖然門市暫時停業，栢芝依然忙於打理時裝店的網上生意，自己做生招牌之餘有時仲會拉埋細仔Marcus齊齊做Model。

不過都唔係人人有呢個財力去硬食虧損，莊思明與男友楊明共同經營6間燉湯店，除了屯門分店作有限度外賣外，其餘分店已全部停業至另行通知。由於生意規模大，員工亦多嘅關係，莊思明日前受訪時表示無奈地裁咗部分員工，「其實真係好難做，開業嘅話做嗰少少外賣根本連出糧都唔夠，業主又唔會減好多租，政府亦冇乜補貼到小商戶，每個月剩係蝕租錢都7位數字！裁員有限度節流，唔係裁咗好多人，同事都好明白。」

時裝設計師鄧達智（William）於2016年在元朗經營餐廳，經歷兩年多疫情洗禮仍然捱得住，但業主瘋狂加租下決定退股。佢透露同業主傾續約時，對方要求加租250%，而其實期間已經加過兩次租，所以佢決定唔做，拍檔方面就自己另行決定。

圖片來源：Instagram