新冠肺炎︳全家僅媽媽未中招 蝸居無房父親染疫狂咳不避忌 港男：媽媽由朝清潔到晚做到死死吓

本港第五波新冠肺炎疫情嚴峻，不少市民接受核酸或快速測試呈陽性後，均留在家中隔離，與同住家人在細小蝸居「困獸鬥」。有網民在網上發帖訴苦，指爸爸性格大男人，雖快測呈陽性，但沒為未確診的媽媽設想，在家中仍我行我素、狂咳時不掩嘴，毫不避忌。對此，事主不禁大嘆：「我媽媽日日由朝清潔到晚，做到死死吓！」

該名網民日前在「香港討論區」以「大男人老竇中咗招真係慘過食X」為題發帖，指家中沒有房間，自己早幾日染疫後，就一直縮在床上自我隔離，目前已有好轉；至於爸爸則在早幾日已經狂咳，但曾做快測呈陰性，「佢係都話自己快測做得啱，其實支棉花棒根本冇探好入。」

最終至上周三（2日），一直堅信自己沒有染疫的爸爸，因為咳嗽情況更嚴重而再次快測，最終結果呈陽性，「咳再嚴重啲，又快測中招啦，佢先戴番個（口）罩，但又露個鼻出嚟喎，叫佢戴好啲，又話『冇嘢嘅』。」事主又指，爸爸完全沒有自我隔離之心，

「坐喺按摩椅度邊睇電視，邊狂咳，去廁所途中咳，回程咳，每30秒實咳一次，全程唔會揞嘴，唔會避忌。」

至於仍未確診的媽媽，則只好勤力做好清潔工作；雖想努力在細小家中與丈夫保持一定距離，但無奈對方並不合作，

「總之（爸爸）我行我素，我媽媽日日由朝清潔到晚，做到死死吓，想用張梳化瞓吓啫，就叫老竇返床唞，張梳化就喺張按摩椅隔籬，佢就死都唔返，叫佢（媽媽）瞓就瞓，佢唔會返床嘅，我嗰吓真係火咗，係我阿媽先忍到佢。」

最後事主又慨嘆，爸爸經常指責其他人出街不戴口罩、隨地吐痰「黑人憎」，但其實自己亦其身不正，「你自己又咪一樣，以為返到屋企（就係）皇道，咩都唔做，返屋企唔會惹到屋企人嘅。講又唔聽，正一食古不化，但真係好燥。」他續指，已安排媽媽暫住居於附近的姐姐家，「雖說媽媽會悶啲，但至少逃離咗個毒氣室先。」

對此，有網民留言指自己父親亦同樣不願戴口罩，又認為事主媽媽十分辛苦；同時亦有不少人認為，事主家中細小，根本難以居家隔離，恐怕其母已經「中招」，因此認為她不應到女兒家中暫住，恐會「播毒」：

港媽9招保護全家免中招

近日讀者陳太與《晴報》分享，指家中外傭姐姐自第五波疫情開始已安排放假留在家中，只在倒垃圾才出門，惟最終也不幸確診。她透過自身經歷，分享9招避免同住人染疫的方法，大家不妨參考一下：

外傭放假留家僅出門倒垃圾仍染疫 港媽9招保護一家三口免中招，詳情即睇：【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

責任編輯：李凱晴