曹格再次醉酒失控搞事被拘捕 鬧盡新港泰台街頭狂毆側田最爆

現年42歲嘅馬來西亞歌王曹格多次因醉酒鬧上新聞版面甚至惹上官非，日前再有佢醉酒鬧事嘅片段喺網上瘋傳。據知片段攝於4日前，當時佢於台北市內湖區某餐廳與友人飲酒食飯，片段中聽到佢酒後對其他客人瘋狂爆粗，2分鐘內講咗27句英文粗口，最後有客人報警處理。

同場加映：《Mr. Stranger》｜Anson Lo曾壓力爆煲憂達不到外界期望 喜見MIRROR12子各有發展路向

{{hket:ul-video id="5381"}}{{/hket:ul-video}}

影片中曹格大叫：「我做了甚麼讓他可以叫警察，讓他來弄我！fxxk you、what the fxxking I do…。」仲隨手拎嘢就掟，一名女服務生被掟中，另一位客人向朋友表示自己已報警：「趕快把他帶走，怎麼不帶走，有病要看醫生，怎麼不帶走。」有網民留言指自己當時喺現場，表示曹格突然去到佢哋間動亂鬧人，不斷用侮辱性的字眼咆哮，佢提醒曹格：「不要再罵了，不然我要叫警察！」，曹格居然開始失控亂掟嘢，仲掟到老闆同佢嘅小朋友。

{{hket:inline-image name="169147008_363922471768179_6327232382098411238_n.jpg"}}{{/hket:inline-image}}

曹格本人、其妻以及其經紀人都未有回應傳媒，但今日就喺佢嘅社交平台交代，內容如下：「我保持安静讓台灣警方和法律往下調查，我尊重台灣的警察和法律，願意承擔一切後果。但我也很希望爆料者也可以去做筆錄把事實還原，而不是單邊的爆料。這樣會誤導整件事情的真相。接下來一切交给警方處理，在此之後不再做回覆。再次謝謝關心以及愛我的人。」

鬧盡新港泰台

曹格2006年於台灣出道，屢次因酒醉上新聞。2007年佢喺新加坡慶生酒後打人，一度被指係「問題歌手」。最經典係2009年同側田喺香港夜蒲，酒後街頭毆打側田，更拎起路牌想「車」向側田，新聞出街後開記招道歉，但演唱會都係要取消，事後更遭警方拘捕。

2013年曹格喺台灣西門酒後失控，揮拳做粗口手勢兼爆粗，同年曹格同太太灼泰國普吉島參加好友林志穎嘅婚禮，溫馨浪漫嘅氣氛被曹格搗亂破壞，大聲叫囂之餘仲對安撫佢嘅人郁手郁腳。老婆當場羞憤落淚，最後有幾位賓客聯手灌醉曹格至不省人事抬離喜宴。酒後鬧事令形象重創，演藝事業同婚姻都產生嚴重危機，事後佢再舉行道歉記者會，痛定思痛，更承諾細女Grace戒酒。曹格當時被問到如果再犯會點，佢回應：「退出歌壇、捐1千萬給慈善與把我抓去關3天都可以！」