結婚未必只是「2個人的事」，一名女生近日發文訴說，指兄長最近打算與女友結婚，惟父母認為女方「爛玩無家教」反對，未料兄長懶理勸告，甚至揚言「結婚係2個人嘅事」。然而在籌備婚禮時資金不足，向父母借款10多萬元遭拒後，反斥父母不願幫忙，令事主也氣憤不已。
同場加映：
管家王︳憂子女追不上進度考不到好學校？陳定幫教你6大提運貼士
家用糾紛 ︳淚訴子女不孝每人僅付$600家用，87歲婆婆：從來無人探望我，詳情即睇：【下一頁】
一名女網民本周一（7日）在「香港討論區」發帖，表示兄長打算與女友結婚，父母對未來新抱不太滿意，認為她「好爛玩又冇家教」，故反對二人的婚事，哥哥則指「結婚係2個人嘅事」，父母無權阻止，
「佢都講到咁，阿爸阿媽都由佢，冇聲出。」
向父母借10多萬元遭拒不滿
事主形容兄長卻要「充大頭鬼」，打算在5星級酒店擺酒，又要買鑽石戒指，因此向父母索取10多萬元。父母聞言表明「冇錢」，卻惹來兄長不滿，
「佢咁同阿爸阿媽講：『人哋個個結婚屋企都會支持吓，我又唔係叫你哋幫我畀晒，你哋少少錢都唔肯出？』」
兄長被拒絕後，仍不斷打電話問父母借錢，但過往每次借錢，都是有借無還，事主形容：「其實佢呢招都用得多嘞，邊度係借呢？借完冇一次還嘅，好彩阿爸阿媽暫時冇心軟。」
對於兄長態度深感不滿，事主形容他「成世人對屋企都冇咩貢獻」，只會向家人索錢；加上兄長曾揚言「結婚係2個人嘅事」，事主認為他更不應向家人借錢，
「既然係你2個人嘅事，你就自己搞掂佢！而家問屋企拎錢做咩？有事鍾無艷無事夏迎春呀？我真係咁同佢講，結果咪吵架囉！吵吵吓阿媽突然講咗句：『你下次結婚揀個我哋鍾意嘅，我哋咪支持你囉！』」
網民：可能只是搵藉口借錢
不少網民看到帖文後，指既然事主哥哥稱「結婚是2個人的事」，事主與父母也無必要出席婚禮，亦有人指現在疫情嚴峻未能擺酒，質疑他是找藉口問父母借錢。另有網民指責他連自己也「養唔掂」，直言無本事就不要結婚「充大頭鬼」。
↓ 點 擊 圖 片 放 大 ↓
- {{hket:inline-image name="Whret.jpeg"}}{{/hket:inline-image}}
- {{hket:inline-image name="Whawet.jpeg"}}{{/hket:inline-image}}
- {{hket:inline-image name="WhatsApwet.jpeg"}}{{/hket:inline-image}}
- {{hket:inline-image name="Whats43t.jpeg"}}{{/hket:inline-image}}
- {{hket:inline-image name="WhatsAp234.jpeg"}}{{/hket:inline-image}}
- {{hket:inline-image name="Whats3r.jpeg"}}{{/hket:inline-image}}
- {{hket:inline-image name="WhatsArht.jpeg"}}{{/hket:inline-image}}
- {{hket:inline-image name="Whar32.jpeg"}}{{/hket:inline-image}}
- {{hket:inline-image name="WhatsAtry.jpeg"}}{{/hket:inline-image}}
患難見真情 ︳港男父親染疫全家隔離，女友一個舉動令男友刮目相看，詳情即睇：【下一頁】
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
每朝索取《晴報》：精明生活．健康家庭．開心娛樂
撰文：蘇麗儀